LAKONET JAWA

Joged Mujra

2011-05-14T22:29:00.001-07:00

UDUDDULU

2011-05-13T23:19:00.000-07:00

Joged Yuuuk

2011-05-13T20:57:00.000-07:00

Tayuban Yuk

2011-05-11T04:57:00.001-07:00

Bumi gonjang-ganjing
Langit kelap-kelap katon

KARANG TUMARITIS—Sumangga kita mriksani Panakawan Lurah Semar Badranaya kaliyan para putra Nala Gareng, Petruk, lan Bagong ingkang samangke nanggap tayub jaipongan saking Blora kangge hiburan sadaya warga duniamaya.

SEMAR: Le, mreneo. Ayo padha nonton tayub jaipongan saka mBolra.
BAGONG: Monggo, Mo. Hehe.... rame yo! Truk, ayo njoged.
PETRUK: Ayo. Kanggo ngluwesake awak. Padha pegel ki. Kang Gareng nang endhi, Gong?
CEPOT: Kae neng kono, cedak waranggana.
DEWALA: Waduh kae kang Gareng, jaipongane apik banget.
GARENG: Menengo! Ayo joged!

BAGONG: Huaduuh... capek ki. Joged tayub jaipongan mBlora kaya gelut neng pencak silat.
PETRUK: Anggep wae olah raga, Gong?
SEMAR: Le, ayo padha nemoni kae Bendara Arjuna dumugi.
BAGONG: Monggo, Mo.
GARENG: Ayo digendingi Semarang.

Wayang Citra

2008-10-31T00:36:00.000-07:00

Bebuka

Indonesia gadhah manekawarna wayang ingkang wontening sejarah pewayangan Indonesia. Wayang watu wontening candi-candi. Wayang beber ginambar wontening gulungan-gulungan kain lan kertas. Wayang suket dolanan cah angon. Wayang kulit dolanan para dhalang Jawi. Wayang golek dolanan para dhalang Sunda. Wayang wong dados dolanan para anak wayang. Lan wonten malih wayang citra.

Media wayang

Wayang wonten sesambunganipun kaliyan medianipun. Media wayang ngalami transformasi paradigmatik wontening tradisi lisan, tulis, lan elektronik. Pangowahan paradigma media punika mujudaken genre wayang. Sesambungan kaliyan media ingkang dipungunaaken, wayang saged dipunklasifikasiaken dados wayang lisan, wayang tulis, lan wayang elektronik. Wayang lisan punika wayang ingkang nggunaaken media lisan. Wayang tulis punika wayang ingkang nggunaaken media tulisan. Wayang elektronik punika wayang ingkang nggunaaken media elektronik.

Wayang lisan

Tradisi lisan ingkang nggunaaken medium basa lisan mujudaken genre wayang lisan. Genre wayang lisan punika wontenging pagelaran-pagelaran. Ki dhalang ambabar lakon-lakonipun mawi cara lisan. Pagelaran wayang dongeng, wayang jemblung, wayang kulit, wayang golek, lan liyanipun punika wujud wayang wontening tradisi lisan.

Wayang tulis

Tradisi tulis ingkang nggunaaken medium basa tulisan mujudaken genre wayang tulis. Genre wayang tulis wontening lontar, kitab, buku, majalah, lan koran. Ki dhalang ambabar lakon-lakonipun mawi cara tulis. Sastra pewayangan punika wujud wayang wontening tradisi tulis.

Wayang elektronik

Media basa elektronik punika media basa sekunder. Tradisi elektronik ingkang nggunaaken paradigma media basa lisan utiwai tulisan mawi cara elektronik mujudaken genre wayang elektronik Wayang elektronik wontening kaset, CD, CD-ROM, VCD, DVD, FD. Ki dhalang ambabar lakon-lakonipun mawi cara elektronik. Wayang audio, wayang video, wayang multimedia, wayang digital lan wayang citra punika wujud wayang wontening tradisi elektronik.

Wayang citra

Wayang citra punika tembung ingkang dipundamel dening Ki Harsono Siswocarito kangge jenengi wayang genre enggal ingkan wontening mediamaya internet. Tembung punika dipunginaaken wontening situs wayang mediamaya ingkang dipunpandegani panjenenganipun piyambak, inggih punika http://wayangcitra.blogspot.com. Tembung "citra" ing Bahasa Indonesia menika padanan ingkang tepat saking tembung "image" ing Bahasa Inggris. Wayang citra saged ugi dipunsebat “wayangmaya”, menika wayang ingkang nggunaaken mediamaya internet. Nanging wayang citra menika genre wayang, lan wayangmaya menika media ingkang dipungunaaken. Genre wayang citra saged dipunklasifikasiaken dados lakonet, wayang digital, wayang visual, wayang audio, wayang video, wayang animasi, lan wayang interaktif.

Lakonet

Lakonet mujudaken tembung gabungan saking "lakon" (crita wayang) lan "net" (Internet). Tembung punika dipundamel dening Ki Harsono Siswocarito kangge jeneng lahiripun genre wayang gagrag enggal ingkang dipunpublikasiaken wontening Internet ing situs http://lakonet.com. Lakon menika genre sastra wayang lampahan kangge pagelaran, lan internet menika mediamaya online ingkang sesambungan mawi cara global. Pramila, lakonet menika lakon ingkang dipunpagelaraken wontening mediamaya internet.

Wayang visual

Wayang visual menika wayang gambar. Gambar wayang menika saged dipundamel mawi cara manual utawi digital ingkang teras dipunpublkasiaken wontening mediamaya internet. Wayang citra visual menika namung saged dipunpriksani mawi cara visual kemawon.

Wayang audio

Wayang audio menika wayang ingkang nggunaaken media audio kados kaset, CD, MP3 ingkang dipunpublikasiaken wontening mediamaya internet. Wayang citra aural menika naming saged dipunpriksani mawi cara aural kemawon.

Wayang video

Wayang video menika wayang ingkang nggunaaken media audio-visual kados VCD, DVD, FD ingkang dipunpublikasiaken wontening mediamaya internet. Wayang audio-visual saged dipunpriksani mawi cara visual lan aural. Wayang audio-visual wontening mediamaya internet salah satunggilipun wontening situs http://youtube.com. Situs punika medamel publikasi wayang video saking pagelaran wayang kulit, wayang golek, lan wayang wong.

Wayang digital

Wayang digital menika wayang ingkang dipundamel mawi cara digital ngangge piranti komputer multimedia. Wayang digital visual dipundamel ngangge teknik seni lukis digital ingkang dipunpublikasiaken wontening mediamaya internet.

Wayang grafik

Wayang grafik utawi komik saged dipundamel mawi cara manual utawi digital. Komik wayang tradisional dipundamel mawi cara manual; lan wayang grafik modern dipundamel mawi cara digital. Wayang grafik dipunpublikasiaken wontening mediamaya internet.

Wayang animasi

Wayang animasi punika wayang ingkang dipundamel mawi cara digital ngangge piranti komputer multimedia ingkang mujudaken citra visual kados gesang. Benten kaliyan wayang digital visual ingkang statis, wayang animasi asifat dinamis. Wayang animasi punika dipunpublikasiaken wontening mediamaya internet. Wayang animasi wontening mediamaya internet kados ing situs http://youtube.com. Situs punika kathah medamel publikasi wayang animasi ingkang adhedhasar saking wayang grafik dinamik, ngangge animasi kalih dimensi.

Wayang interaktif

Wayang interaktif menika wayang ingkang dipundamel mawi cara interaktif antara ki dhalangmaya kaliyan komunitasmayanipun wontening mediamaya internet. Wayang interaktif punika dipundamel ngangge cyberteks ingkang gadhah fasilitas interaktif wontening mediamaya internet. Wayang interaktif menika tasih awujud genre rintisan wontening situs http://wayanggenre.blogspot.com link sambungan saking situs http://wayangcitra.blogspot.com ingkang dipunpandegani dening Ki Harsono Siswocarito.

Pungkasan

wonten transformasi paradigmatik ing sejarah pewayangan. Transformasi punika sesambungan kaliyan media ingkang dipungunaaken wontening tradisi pewayangan ingkang anglimputi tradisi lisan, tradisi tulis, lan tradisi elektronik. Tradisi-tradisi punika mujudaken genre wayang lisan, wayang tulis, lan wayang elektronik. Wayang citra punika genre wayang postmodern gagrak enggal ingkang nggunaaken paradigma media elektronik. Wayang citra ugi saged dipunsebat wayangmaya amargi ngangge mediamaya internet. Wayang citra gadhah genre-genre kados lakonet, wayang visual, wayang audio, wayang video, wayang digital, wayang grafik, wayang animasi, lan wayang interaktif.

Konsep Estetik Lakonet

2008-06-23T20:26:00.000-07:00

Bubuka

Murwa wonten inggil punika dipuncatet saking situs http://wayangcitra.blogspot.com, satunggil situs wayang wontening duniamaya ingkang dipunasuh dening Ki Harsono Siswocarito, wiwit November 2007. Situs punika anggelaraken genre-genre wayang gagrak enggal, yaiku lakonet, wayang visual, wayang digital, wayang grafis, wayang animasi, kaliyan wayang interaktif. Nanging wontening seratan punika genre ingkang badhe dipunwedar namung lakonet kemawon, utaminipun ingkang magepokan kaliyan konsep estetikanipun.

Maksadipun konsep estetik lakonet wontening judul seratan pinika yaiku gagasan-gagasan babagan kaendahan wontening lakonet. Ewondene maksadipun tegangan antara tradisi kaliyan inovasi yaiku konsep estetik ingkang adhedhasar saking gagasan-gagasan kaendahan tradisional kaliyan gagasan-gagasan kaendahan modern.

Hartosipun Lakonet

Lakonet awujud gabungan saking tembung "lakon" (crita wayang) kaliyan tembung "net" (Internet). Sebatan punika dipundamel dening Ki Harsono Siswocarito kangge jejuluk lahiripun satunggil genre wayang gagrak enggal ingkang dipunpublikasiaken wontening Internet. Lakon awujud genre sastra wayang lampahan kangge pakeliran, kaliyan internet awujud mediamaya online ingkang sinambungan secara global. Dados, lakonet hartosipun lakon ingkang dipunpakeliraken wontening mediamaya internet.

Konsep Estetik Lakonet

Konsep estetik lakonet awujud tegangan antara tradisi kaliyan inovasi. Inggih punika, lakonet adhedhasar saking konsep estetika tradisional kaliyan estetika inovatif. Secara tradisional, konsep estetik lakonet selaku satunggil genre wayang gagrak enggal adhedhasar sastra padalangan. Nanging secara inovatif, konsep estetik lakonet gadhah tegangan kaliyan tradisi punika kangge mujudaken inovasi-inovasi enggal. Tegangan antara tradisi kaliyan inovasi punika dados dhedhasar konsep estetik lakonet.

Sastra Pedhalangan

Sastra pedhalangan awujud rekabasa dalang wontening seni pakeliran wayang. Sastra pedhalangan awujud murwa utawi pelungan (suluk bebuka pedhalangan), nyandra janturan (deskripsi jejer adhegan wiwitan) kaliyan pocapan (narasi adhegan), suluk (puisi pedhalangan), antawacana (dialog wayang), sabetan (basa wiraga wayang), swara (swara, celotehan, kaliyan onomatopi), tembang (lalagon), mantra (puisi magis), kaliyan lakon (crita wayang).

A. Murwa

Murwa awujud suluk bebuka wontening pakelirran wayang. Pedhalangan Jawa Timur ngangge jeneng pelungan; pedhalangan Jawa Tengah ngangge jeneng ilahengan; kaliyan pedhalangan Jawa Barat ngangge jeneng murwa. Ing andhap punika conto murwa cekak saking pedhalangan Jawa Barat.

Kembang sungsang binang kunang
Cahaya nira kadya gilang gumilang

Murwa panjang ing andhap punika saking pedhalangan Jawa Timur.

Sun miwiti andhalang
Wayang ingsun minangka bambang paesan,
Kelire jagad dumadi,
Larapan naga pepasehan,
Pracik tapeling jagad gumelar,
Yana drojog sangga bawana.
Ligan rajeg wesi, blencong kencana,
Urube luber kadya Hyang Bathara Surya.
Kothaking wayang kayu cendhana sari,
Tutuping dhuwur kadya kusuma,
Kepyake gelap angampar.

Wontening lakonet Ki Harsono Siswocarito, murwa ingkang aslinipun saking sastra pedhalangan dipunmodifikasi dados bentuk enggal. Ing andhap punika conto-conto murwa wontening lakonet-lakonetipun.

Langit kelir tabir Gusti
Tabire ya wong ngawayang
Wayang manut maring dalang
Dalange murba ing wayang
Kelire ayon sabita Gusti

Kaliyan

Kembang sungsang cahya kunang
Kadia soca lintang gilang gumilang
Tembang hyang pangreka dalang
Dadia piwulang wong ngawayang

Kaliyan ugi

Dene utamaning nata
Berbudi bawa laksana
Dene utamaning praja
Adilmakmur paramarta

B. Nyandra

Nyandra awujud deskripsi adhegan ingkang ngangge basa prosa (gancaran) wintening pakeliran wayang. Wonten kalih jenis nyandra: janturan kaliyan pocapan. Janturan awujud deskripsi adhegan ingkang dipuniringi gamelan; kaliyan pocapan awujud narasi adhegan tanpa iringan gamelan. Adhedhasar saking pedhalangan Jawa Barat, Ki Harsono Siswocarito amodifikasi janturan ingkang dipuncatet saking lakon Jaya Renyuan garapan ki dhalang Dede Amung Sutarya.

Suh rep data pitana! anenggih wau kocapa negara ing pundi ingkang kaeka adi dasa nama purwa, eka sawiji adi linuwih dasa sapuluh nama iku panjenengan purwa nami wiwitan. Sandyan katah titahing dewa kasongan ing akasa, sinangga ing pertiwi, kaideng ing samudra, tebih ing parang muka, dasar negara Dwarawati silokane jero tancebe, jembar laladane, gede obore, duwur kukuse, padang jagate, adoh kakoncarane. Sigeg ingkang murweng kawi paparab kang dadi nalendra, inggih kang ngarenggani pura, jejeneng Sri Maha Batara Kresna ya Prabu Jenggalamanik, Prabu Harimurti, Prabu Padmanaba, Prabu Basudewaputra, saweg dipunadep dening ingkang rayi Arya Setiyaki lan ingkang raka Patih Udawa. Sreg tumeluk kaya kuncim pertala mukanipun sarta kadiya tata malih krama paningalipun Padmanegara lan Udawa saking ajrih dateng pangkonan. Samya prapta ngabiyantara, jajar denira pinara.

Nyandra wontening lakonet dipunmodifikasi dados bentuk ingkang cekak sapertos conto ing andhap punika.

MERCUKUNDA, SURALAYA.—Maharaja Tribuwana Sang Hyang Otipati Pramesti Guru Jagatgirinata ya Sang Hyang Manikmaya maharaja diraja jagat pramudita lingih ing singgasana Dampar Kencana lemek babut permadani sutra rerenda permata tinaretes ing sosoca dipunadhep dening para dewa pemuka triloka samiya padha jajar denira pinara.

Kaliyan ing andhap punika satunggil conto ingkang luwih cekak malih.

ASTINA.—Para Kurawa nuju imbal wacana sareng Jendral Baladewa, Presiden Mandura, ngarembag masalah musibah negara.

2. Conto Pocapan

Pocapan awujud nyandra tanpa iringan gamelan kangge nyariosaken kahanan wontening adhegan. Ing andhap punika satunggil conto pocapan wontening lakon Jaya Renyuan garapan ki dhalang Dede Amung Sutarya.

Padmanegara nyandak dua hulusapu bade dicipta ku Kresna. Atuh Kresna rep sidakep ana sinuku tunggal babakane caturdriya--catur papat, driya angen-angen, sir budi cipta kalawan rasa. Pangambung teu diangge ngangse; soca teu diangge ningal; cepil teu diangge ngarungu; baham teu diangge ngucap lir ibarat anu paeh ngadeg, nanging bentena pedah ngangge ambegan.

Wontening lakonet, pocapan ugi dipunmodifikasi dados bentuk ingkang cekak awujud baris-baris puisi. Ing andhap punika conto-contonipun.

Siapsiaga para dewa
Basmi mala Triloka!

Kaliyan ing andhap punika conto pocapan ingkang puitis.

Berang! Garang!
Buta menyerang!

C. Suluk

Suluk awujud citra ingkang dipuntembangaken dening ki dhalang wontening pakeliran wayang. Ing andhap punika conto suluk saking pedhalangan Jawa Barat.

Conto 1

Saur nira tandana panjang
Sinenggih sabda ya uninga lawan
Sabda ya uninga lawan
Sauri nira tandana panjang sinengih
Sabda uninga wis mama
Ulun layu dening sekti ala bakti dening asih
Ya ding asih
Wong asih ora katara

Conto 2

Betet ijo Kepodang ulese kuning
Abang manuke wulung kadya wowor
Sandang rawit puter gemeke ya lurik-lurik
Dadanira kinuwungan ya kinuwungan
Kadya bocah ngangge kakalung
Ningsor waringin wulung

Conto 3

Sri tinon ing pasewakan
Busana manekawarna
Murub mubyar cahayanira
Kadya kunang-kunangan
Sri tinon ing pasewakan
Busana manekawarna
Murub mubyar socanira
Kadya parada tinabur
Kadya kunang-kunangan
Sekar wijaya kusuma lawan

Wontening lakonet, suluk dipunmodifikasi dados sajak couplet. Ing andhap punika conto suluk saking lakonet Ki Harsono Siswocarito.

Siaptegap sang Dursasana
Panglima pasukan Astina!
Kurawa menyerbu kampus
Mahasiswa bikin mampus

D. Antawacana

Antawacana awujud dialog antartokoh wayang. Ewondene antawacana antara tokoh wayang kaliyan nayaga, wirasuara, utawi waranggana dipunsebat dialog samping (aside). Antawacana biasanipun dipunbabar sasampunipun pocapan. Ing andhap punika conto dialog saking lakon Jaya Renyuan garapan ki dhalang Dede Amung Sutarya.

KRESNA: Eladalah, Yayi, Yayi Setiaki.
SETIAKI: Kaula nun.
KRESNA: Kakang Patih Udawa.
UDAWA: Lo, lo, lo, Hahahah… pun kakang Patih Udawa.
KRESNA: Marajeng ka payun calikna.
SETIAKI: Ti payun anu kapihatur pun rayi nyanggakeun sembah pangabakti mugiya ditampi.
KRESNA: Sembah Rayi ditampi kudua panangan kiwa kalawan tengen, disimpen di luhur dina embun-embunan, di handap dina pang-konan, dicatet dina tungtung emutan anu teu keuna kuowah gingsir.
SETIAKI: Ngahaturkeun nuhun. Kalih perkawisna—
KRESNA: Kumaha, Yayi?
SETIAKI: Bilih aya kalepatan ageng sumawanten alit, agung cukup lumur, neda jembar hapunten anu diteda.
KRESNA: Perkawis kalepatan sok bujeng ku aya basana menta dihampura, sanaos teu aya basana akang parantos jadi lautan hampura kana kalepatan sampean, Yayi.
SETIAKI: Ngahaturkeun nuhun.

Ing andhap punika conto antawacana wontening lakonet.

BIMA: Para Profesor sing dakurmati! Apa para sedulur kabeh padha kuciwa marang tumindake bala Kurawa?
KANETRA: Temtu! Nanging dianggep dagelan kemawon. Toh saged beladiri.
PULASIA: Huahaha… bener! Gempuran menika boten wonten hartosipun kangge biomacrobot karyarekayasa kula.
ESTIBANDA: Ugi monsterobot samangke saged mbedahbubrah memala menika.
MANINGRAT: Dasar Kurawa! Wayang mbeling kados menika kumawani adol bagus. Nggaya! Khhkcuah!
MARUTA: Prelu diajar, Prof! Ben nyaho!
BARUNA: Bener! Anggite ngelmu kawruh namung wontening Universitas Negeri Soka-lima, teknologi namung wontening Universitas Talkanda? Kemaki-kemlinthi! Gemagus mbagusi!
BIMA: Iyo! Tumindake militer Astina perlu dituntut. Siapke balayuda biomacrobot lan monsterobot kanggo ngajurmumur balamala Astina.
PULASIA: Sendika!
ESTIBANDA: OK!

E. Sabetan

Sabetan awujud wiraga wayang sapertos tarian, lakuan, kaliyan lagaan. Tarian yaiku wiraga wayang ingkang dipuniringi tembang kaliyan gamelan. Lakuan yaiku wiraga wayang ingkan dipuniringi kecrek utawi kendhang kemawon. Ewondene lagaan yaiku wiraga wayang wontening pabaratan ingkang dipun iringi gamelan utawi kecrek kaliyan kendhang. Wontening lakonet, sabetan dipungarap ngangge adhegan action.

RIMBAMALA.—Mintaraga aduyuda sareng bala Manimantaka.
“M-mandeg! S-sapa s-sira?”
“Truk, sikat yu!”
“Siplah!”—(Duk! Bugh!) Ambruktakluk (Blug! Gludug!)—“Iki rasakna! Hih!”—(Jplak! Gdubrak!)—“Aaawww!”
“Bah! Keparat! Kaladurga, Kaladurjana, Kaladuraksa, Kaladurmala, Kalastuwila, Kala-daksa, Kaladarba, Kalagarba, Kaladuskerta, Kaladusta, Kaladursila—majuserbu!”
“Reng, embat granat!” + “Okelah!”—(Plas!)
(BLAARR!)

F. Swara

Swara awujud mbengokan, jeritan, aduhan, tobatan, utawi swara tiron ingkang dipunsebat onomatopia. Swara awujud palengkap sabetan lagaan. Ing andhap punika conto swara saking lakonet Ki Harsono Siswocarito.

“E-e-babo-babo… Gog—ana p-pangalasan Pring-gadingacala. S-sapa, Gog?
“Sst! Jendral Arjuna!”
“E-e-babo-babo… s-serbu!”—(Clap!)—“C-ciaat!”—(Dez! Zplak! Deb! Bugh!)—“Hugk-khoeekh uhuooo… m-mati a-aku, Gog!”—(Bruk!)
“Cakil mati, Lung!”
“Ben ae, Gog!”
“Grr-babo-babo, keparat! Adhapi aku Dityakala Badaisegara! Heh, konco-konco: Pragalba, Rambut Geni, Padas Gempal, Jurangrawah, Buta Ijo, Buta Terong, Buta Endog—ayo keroyok si perwira keparat iki!”
“C’mon!” + “OK!” + “Move!”
“Siji, loro, telu! Ciat! Ciat! Ciiaatt!”—(Blaarr!)—“Aduh! Ahk! Khk! Klk!”—(Blug! Blug! Blug!)
“Zuilah! Mampuz zedaya!” “Benal! Mlayu, Mas!”
(Jleg!)—“Mandheg!”
“Zapa kon? O yez! Kenalin—aku Mr George! Yez, Mr Joz!”
“Busyet! Lumayan keren juga ki Buto—nganggo nama beken segala! Kowe kalah, Reng.”
“Em… kowe sapa, Pelo?”
“Mistel Gabliel! Ayo minggat ah! Usah ngulusin cah ola kaluan!”—(Bugh! Bugh!)—“Adow! Main pelmak lagi! Blantem-blantem, tapi spoltif! Ngawul ngoe!”
(Dor-dor!)—“Beres, Gong!”

G. Tembang

Tembang awujud lelagon ingkang dipuntembangaken dening waranggana, wiraswara, utawi dhalang. Tembang wiwitan pakeliran wayang dipuntembangaken dening waranggana. Tembang iringan pakeliran wayang dipuntembangaken dening waranggana kaliyan wiraswara. Tembang wontening adhegan Limbukan kaliyan Gara-gara dipuntembangaken dening dhalang ingkang sesarengan kaliyan waranggana utawi bintang tamu. Ing andhap punika conto tembang bebuka wontening pedhalangan Jawa Barat.

Sampurasun dulur-dulur
Nu aya di pilemburan
Wilujeng patepang dangu
Ti abdi saparakanca
Ti abdi saparakanca
Gamelan Munggul Pawenang
Nyanggakeun hiburanana, Juragan
La mugiya janten panglipur
Pangbeberah duh kana manah

Tembang ing andhap punika dipuntembangaken dening si Cepot wontening lakon Jaya Renyuan anggitanipun ki dhalang Dede Amung Sutarya.

"Lagu Nu Ngusep"
Barung herang liar mijah
Clom kiriwil ari anclom ngagiriwil
Mawa epan rupa-rupa
Clom kurunyud lamun anclom sok ngurunyud
Plung kecemplung plung kecemplung
Empan teuleum kukumbul ambul-ambulan
Kenur manteng jeujeur jeceng
Leungeun lempeng panon mah naksir nu mandi
Kop tah lauk mere dahareun
Mangga mangga mangga geura tuang
Geura raos ditanggung deudeuieun
Mangga mangga ulah isin-isin
Empan cangkilu ungkul dilangkung
Empan papatong kalah dipelong
Ku epan colek kalah ngadelek
Lekcom lekcom panon belek nyambel oncom

Ing lakonet Ki Harsono Siswocarito wonten tembang ingkang dipuntemangaken dening Panakawan saking tembang Asmarandana Sunda.

Gandasari buah ati
Pujaan urang sadaya
Buku pinuh kupapaes
Alus jadi patamanan

Ugi wonten tembang ingkang dipunmodifikasi saking kalih baris lirik lagu Rolling Stones.

Yu yus tu bi mai parti dol
Bat now yu sey de parti’s oper

Lirik aslinipun yaiku:

You used to be my party doll
But now you say the party's over

H. Mantra

Mantra utawi sastra mantra pedhalangan wonten kalih kategori. satunggalipuni, mantra ingkang awujud doa ki dhalang wontening pakeliran wayang. Kalihipun, mantra ingkang awujud rapalan tokoh wayang kangge medalken kasaktenipun.

Contonipun mantra bebuka pakeliran saking Mpu Tan Akung:

Ingsun Angidhepa Sang Hyang Guru Reka,
Kamatantra: swaranku manikastagina.

Contonipun rapalan mantra penyirepan dening tokoh wayang Indrajit:

Rep sirep si Megananda
Wong sarewu padha tumut
Salaksa wong serah nyawa

I. Lakon

Lakon wontening lakonet asalipun saking crita-crita wayang ingkang saged dipunklasifikasiaken dados crita pakem, carangan, gubahan, kaliyan sempalan. Crita pakem asalipun saking Mahabarata, Ramayana, Serat Paramayoga, Serat Pustaka Rajapurwa, Serat Purwakandha, kaliyan sanesipun. Crita carangan awujud versi crita pakem ingkang sampun dipunmodifikasi dening ki dhalang. Crita gubahan awujud versi crita ingkang dipunadaptasi. Crita sempalan awujud crita wayang kreasi enggal.

Unsur tambihan

Kejabi unsur-unsur sastra pedhalangan ing inggil punika, lakonet gadhah unsur-unsur dukungan ingkang awujud citra, hiperteks, sareng cyberteks.

Citra awujud gambar ingkang dipunangge ilustrasi selaku unsur tambihan lakonet. Citra kangge ilustrasi lakonet ngangge wayang digital, yaiku gambar wayang ingkang dipundamel ngangge teknik seni lukis digital. Adhedhasar saking konsep estetika layarmaya, wayang digital dipundamel wewalikan saking wayang cetak. Layarmaya ngangge latar ireng, kosokwalikipun wayang cetak ngangge latar putih. Pramila wayang digital wontening lakonet awujud bayangan putih wontening latar ireng. Punika benten kaliyan wayang cetak ingkang anggambarken wewayangan ireng wontening latar putih. Ewosemana bayangan ireng wontening pakeliran wayang kulit ingkang gangge kelir putih.

Hiperteks wontening lakonet awujud link internal kaliyan link eksternal. Wontenipun link punika mbentenaken teks kaliyan hiperteks. Hipertekstualisasi awujud proses mediamorfosis saking teks tulis dados hiperteks elektronik.

Cyberteks wontening lakonet awijud wahana interaktif antara hipertekstualisasi ingkang dipundamel dening ki dhalangmaya kaliyan komunitasmaya ing duniamaya. Interaktivitas punika maringaken peluang dumateng sedaya netizen wontening komunitasmaya kangge medamel interaksi secara aktif.

Simpulan

Sastra pedhalangan gadhah anekaragam gaya. Punika mujudaken wontenipun pluralitas gaya wontening tradisi pedhalangan Indonesia, sapertos pedhalangan gaya Jawa Barat, Jawa Tengah, Jawa Timur, Bali, Lombok, Banjar, kaliyan sanesipun.

Ngangge nerapaken konsep estetik ingkang awujud tegangan antara tradisi kaliyan inovasi punika lakonet dados satunggil genre wayang posmodern ingkang ngangge internet selaku media pakeliran kaliyan publikasinipun.

Semarang, 22 Juni 2008

Referensi

Harghana SW, Bondhan. 2003. Janturan Jangkep Wayang Purwo. Sukoharjo-Surakarta: Cendrawasih.

Haryanto, s. 1992. Bayang-bayang Adhiluhung. Semarang: Dahara Prize.

Sukatno, Anom. 1993. Janturan lan Pocapan Ringgit Purwo. Sukoharjo-Surakarta: Cendrawasih.

Sutarya, Dede Amung. 1977. Jaya Renyuan. Indonesia: Gita Record Metropolitan.

Timoer, Soenarto.1988. Serat Wewaton Padhalangan Jawi Wetanan II. Jakarta: Balai Pustaka.

Dawala Pelopor Pendidikan Massa

2008-03-21T01:05:00.000-07:00

Pepedhut wiwit siningkab!
Srengenge melotot tajem
Ningali sedaya ingkang obah!

DESA TUMARITIS.--Kyai Semar Badranaya, ya Ki Lurah Kudapawana katon linggih menggalih: masyarakat sampun robih! Desa Tumaritis sigra lumampah marang kahuripan ingkang dinamis. Benten kaliyan padusunan jaman mbiyen, desa-desa ingkang kajiret wontening statisme sistem tradisi. Tumaritis mobah-mosik kebak polah.

Sinarengan murcanipun Kyai Petruk, dongkap Begawan Dawala ingkang super-mbeling medamel goro-goro. Benten kaliyan Kyai Petruk wontening goro-goro ingkang kebak banyol-konyol, Begawan Dawala medamel goro-goro ngangge nancepaken kahuripan ingkang B3W (bebas tiga wuta). Hasilipun masyarakat Amarta dados padha pinter sareng padha kadidik tanpa ngimpor mahasiswa KKN kaliyan DPL gombalipun saking Universitas Sokalima. Sanaos mekaten, masyarakat ingkang padha pinter-nyakola punika boten bebas saking masalah ingkang denadhepi. Malah dados ngawontenaken pageblug enggal ingkang enggal-enggal dados pageblug. Samangke ingkang padha sekolah sampun dados "polusi" lan dados penyakit epidemi intellectual deficiency! Polusi enggal wontening masyarakat modern ingkang langsung dados pageblug super negatif kangge kahuripanipun para titah.

Polusi kaliyan epidemi punika pranyata sanes akibat cerobong kukus lan sampah industri baja, pupuk, utawi menapa kemawon ingkang saged dados rereged lingkungan; nanging, akibat sampah industri pendidikan punika piyambak, ingkang dipunakeni utawi mboten dados lelethek! Kados mekaten miturut Begawan Dawala. Sinarengan rasa-risi panjenenganipun mratelaaken industri pendidikan: miturut panjenenganipun, boten wonten kasaimbangan ingkang harmonis antawis mesin-mesin wontening sedaya undakanipun; akibatipun produk-produkipun boten wonten ingkang tepat guna. Dados, boten wonten produk ingkang siap pake! Pramila industri pendidikan dados boros! Ibarat pari sakton, ingkang dados beras namung sakilo, sareng akhiripun namung dados sega sakepel. Sanesipun dados sampah produksi industri pendidikan punika piyambak! Upami sampah menika boten cepet-cepet dipunurusi, akhiripun dados polusi, sareng dados bibit pageblug intellectual deficiency. Luwih mbebayani tinimbang pageblug sampar a la La peste Albert Camus. Begawan Dawala mesem-mafhum.

Leres upami industri pendidikan sampun saged nyiptaaken selera intelektual. Sistem mekanismenipun meksa wontenipun pengolahan produksi ingkang sinambungan. Sareng ironisipun, medal saking sistem punika hartosipun nggancaraken polusi; sareng malih upami liren hartosipun deficiency dadakan; padahal upami terus nerasaken malah dados kronis! En vano ni hablar de eso--ujaripun Begawan Dawala ngangge basa Don Juan.

Ngangge paningal ingkang tajem tur jero Begawan Dawala nonton pepinton masyarakat. Sedaya upaya kangge ngandeg polusi kaliyan epidemi punika sampun katah dipidamel, sanaos namung saukur rame-rame. Tiyang-tiyang ingkang formal cepet-cepet nginggilaken "wangunan industri pendidikanipun". Tiyang-tiyang ingkang non-formal sibuk masaraken mesin pendidikan ingkang portable. Ing lingkungan informal piyambak padha sibuk madosi obatipun.

Miturut Begawan Dawala, tiyang-tiyang punika sampun klentu anggenipun medamel diagnosa; lan akibatipun sampun nyuntikaken obat ingkang klentu. Mala-praktek pendidikan ingkang boten saged sininglar! Polusi namung dibuwang marang tempat liyan, lan intellectual deficiency namung dipunusadhani ngangge intellectual fallacy! Medeni sanget.

Selaku warga negara Amarta ingkang sae, Begawan Dawala boten anteng-meneng kemawon. Panjenenganipun penonton ingkang penuntun! Pramila panjenenganipun sigra sowan dateng Kyai Semar.

Wontening griyanipun ingkang sederhana, Kyai Semar gugah mangadheg saking lenggah-penggalihipun. Piyambakipun nyaketi Gareng lan Bagong.

SEMAR: Le, kowe kuwi padha ora ngerti si Petruk menyang endi lungane?

GARENG: Mboten, Mo!

BAGONG: Nah--mula… bocah njaluk sekolah ora dituruti. Kang Petruk nekad minggat!

SEMAR: Lha kok nyalahke aku! Deene ae sing ora isa dinasehati. Aja meksa mlebu paguron inggil, apa maneh sing asal ngadheg.

BAGONG: Tapi, Mo, saiki jamane wong sekolah. Mosok Romo tega nelantarake para putra ketinggalan jaman. Coba tingali Kang Gareng sing buta huruf, ana KMD--koran mlebet desa--denen mung isa ndelok gambare thok. Lulus B3W ae nembe wingi sore. Mesakke!

GARENG: Ngece-kere!

BAGONG: Dudu ngece bin ngenyek, iku kenyataan! Wong liya sibuk nyalon kades lan nggoleki gawean sing mbonapide en kualipeot, Kang Gareng nyang endi-endi gawa pacul--kerja baaakti wae!

GARENG: Lha wong aku iki abdi-negeri sing apik jee.

BAGONG: Iyak nek keridane bener lan pener, wong Kang Gareng mung nggoleki panganane thok.

Tanpa ampun malih Gareng ngayunaken jotosan. Bagong ngaduh-aduh kelaran.

SEMAR: Hehehe… malah ribut-gelut! Kerja bakti iku penting. Awake dhewe wong cilik sing isane mung macul ya keridane nganggo pacul. Rama wae sing pak lurah ora mung nitah-mrentah thok. Turun-tangan iku perlu! Apa dumeh pemimpin, gaweane mung iki-iku thokl! Ya --ora!

GARENG: Nah! Bener, Mo!

SEMAR: Kana goleki si Petruk!

BAGONG: Turun-tangan, Mooo!

Semar mesem.

GARENG: Wah--ora sanggup, Mo. Menyang endi nggolekine? Menyang gunung wedi linglung, menyang kota wedi nyasar!

BAGONG: Kampungan banget sih! Nek aku ketimbang goleki Kang Petruk sing ora jelas dununge, mending golek duit! PTS lagi panen gede. Aku isa melu panen.

GARENG: Ora bakal becus! Iku musim panene para cendekiawan. Kowe es-em-a wae ora tamat-tamat.

BAGONG: Kleru! Sing duwe panen memang cendekiawan, sing dipanen saku mahasiswa, sing kelabakan kena ani-ani ya wongtuane! Lan sing nggali pondasi kanggo kampus mewah nanging miring kuwi, ya, awake dhewe iki.

GARENG: Weee wis akeh mesin. Apa isa kowe saingan karo mesin?

BAGONG: Ya kepeksa menungsa produk abad teknologi kudu wani saingan karo mesin. Teknologi ora mung nggawe robot, nanging ugi ngrobotake menungsa. Semangkin dadi robot, menungsa semangkin kanggo neng ngalam teknologi. Ketimbang tangan-kosong otak-kopong! Iya--ora?

Kalasemana Begawan Dawala mlebet menyang lawang pintu.

DAWALA: Sampurasun.

SEMAR: Rampes! O, Ki Dawala, Mangga mlebet.

DAWALA: Matur nuwun, Kyai. Mekaten, Kyai, kula tumut prihatin ningali gejala enggal ingkang dados rubeda marang masyarakat kula sedaya. Sasampunipun masyarakat bebas saking lelara tiga wuta; samangke muncul polusi pelajar kaliyan pageblug intellectual deficiency. Ngadhepi kahanan kados menika, menapa ingkang kedah dipundamel, Kyai?

Kyai Semar kaget-melet. Ngadhepi reribet kados mekaten, piyambakipun boten saged tumindak sanes kejabi mulih-pulih marang jati-dirinipun.

SEMAR: Menika memang risikonipun. Kula sedaya boten saged nyalahaken sinten-sinten. Industri pendidikan mlampah terus boten saged dipunlireni. Satunggil-satunggilipun margi kangge nylametaken industri menika namung kados pundi cara nyetiripun. Bade dipunsetiraken dateng pundi industri pendidikan menika?

DAWALA: Justru menika ingkang nyamari, Kyai. Tripusat pendidikan gonjang-ganjing lantaran kana-kene njomplang. Prof Dr Arjuna, Mendiknas Amarta, kwalahan nggulawentah industri pendidikan formalipun. Gedung industri menika memang selangit inggilipun, nanging mutunipun namung saktumit; canggih ing menara-gading, nanging loyo wontening lapangan; tur kasenjangan ugi sangsaya dados jurang grawah. Produk industri pendidikan sangsaya tebih saking selera pasar. Biaya produksi luwih ageng ketimbang harga jual produk-produkipun, ingkang bonten arang dados muspra. Akhirpun industri menika dados konsumtif sanget marang bahan mentah ingkang saukur kangge medamel kamubadiran!

Gareng kaliyan Bagong meneng-njenggureng boten mudeng.

SEMAR: Lajeng maksadipun Ki Begawan kados pundi?

DAWALA: Prelu ngawontenaken deformasi!

Kyai Semar kagyat anjulat awyat. Begawan ingkang satungil punika memang multi-radikal!

SEMAR: Kula mafhum--Ki Begawan mboten namung waton ngomong, nanging ampun nglawan sistem!

DAWALA: Deformasi sanes nglawan sistem. Deformasi ngawujudaken paradigma enggal. Sampun wancinipun Amarta mbangun pendidikan massa. Dinamika sosial sampun mujudaken masyarakat massa ingkang sangsaya mengkuhkukuhaken budaya-massa. Wontening kahanan kados mekaten saged luwih kebat malih tuwuh-kembangipun informasi-massa. Wontening pendidikan massa, peranan informasi-massa menika mutlak sanget dados mahaguru-massa.

BAGONG (misik): Ngerti ora, Kang?

GARENG: Mbuh!

SEMAR: Menapa menika saged dipunlaksanaaken?

DAWALA: Temtu! Namung ngantosi dongkapipun mahaguru-massa, ingkang saged maringi wewarah kahebatanipun informasi-massa. Kangge ngawujudaken babagan menika media-massa ugi mokal bakal kalis saking deformasi! Sangsaya kultural edukatif punika, sangsaya kapercanten dados latinipun mahaguru-massa. Satunggil wanci ingkang mustari deformasi informasi bakal ngowah-mobah-mosiking jagat!

GARENG: Kados revolusi nggih?

DAWALA: Deformasi sanes revolusi! Revolusi kados menapa kemawon namung dados kepalsuan ingkang apus-apusan. Revolution is just a mere culture of human-pigs! Revolusi namung omong-kosong!

"O!"

SEMAR: Emm!--Lajeng kados pundi ubarampe kangge mujudaken pendidikan-massa menika?

DAWALA: Wiwitanipun, ngawontenaken deformasi informasi-massa kangge mbangun BSIM--badan sensor informasi-massa. Ireng-putihipun pendidikan-massa gumantung marang kecanggihan BSIM. Lajeng, prelu mbangun BPIM--badan pemandu informasi-massa. Wontening badan punika lalu-lintas informasi dipunatur mekanismenipun; supados haluan pendidikan-massa saged dipunarahaken gegandengan kaliyan tujuanipun. Nah!--namung ngangge pendidikan-massa ingkang kados mekaten polusi pelajar kaliyan sedaya reribedipun, sareng pageblug intellectual deficiency saged dipungulawentah. Ewosemanten, punika saged mujudaken eksistensi budaya-massa ing jaman wasana.

SEMAR: Inggih gumantung kados pundi praktekipun. Praktek punika mboten sesederhana teori? Asring "teori agung" robih dados "keji" wontening praktekipun. Sejarah sampun katah nyateti kahanan kados mekaten. Kaliyan temtu Ki Begawan piyambak sampun mafhum dumateng prekawis menika. Kados pundi jagat diobonggosong karo Wong Konyol Uber Alles, mangyuta-yuta menungsa dipunpejahi kangge dolanan human-pig, lan menungsa alon nanging pasti dipunadhepaken dateng The World Lost.

DAWALA: Leres, Kyai. Deformasi menika ingkang mibandha kekiatan maha-dahsyat kangge nggayuh The World Regain. Pendidikan-massa bakal mbuktosaken yen elmu menika mboten wontening kamewah-megahan gedong ingkang wonten menara-gadingipun, nanging wontening pangawasanipun informasi! Pramila marginipun pendidikan-massa majengaken sanget dumateng deformasi informasi. Tanpa deformasi informasi, pendidikan mokal eksis!

Bagong bingung-linglung. Gareng ngorok.

SEMAR: Kula setuju! Pendidikan-massa luwih mihak dateng kapentingan umum; sanes kangge mbangun sikap intelektual ingkang sok elit. Pranyata satunggiling cita-mulia! Mugi-mugi temahan bakal lahir cendekiawan-massa. Lan kersna utawi mboten kersa, elit-intelektual bakal kagusur waktu kacandak jaman. Perkawis punika bakal kadadosan piyambak; sanes lantaran kapeksa kados kagusuripun kaum marginal ing daerah slums. Pelajar marginal ugi boten prelu dados polusi. Malah, Ekalaya, Socrates, Ivan Illich, kaliyan ingkang sak-archetype go ahead!

DAWALA: Leres, Kyai. Sokalima selaku kota megapolitan pendidikan boten becus menapa-menapa! Menapa hartosipun intelektual upami namung saukur silent intellectuals? Kangge menapa manara-gading dipundamel selangit nanging sangsaya miring? Boten wonten hartosipun, intelektual ingkang eksis namung kangge piyambakipun! Intelektual an sich boten benten saking taik kucing! All we need now are intellectual being-for-others: mass-intellectuals.

Kyai Semar maklum-mafhum. Kawontenanipun Begawan Dawala ing dusunipun kados purnamasidhi ing madyaning ratri ingkang peteng dhedhet. Kyai Semar, selaku pawongan ingkang kapercanten ing Amarta, sigra tumindak nglaporaken kersanipun Begawan Dawala dumateng Mendiknas Amarta--Prof Dr Arjuna. Wekasan, pendidikan-massa namung dianggep sistem pendidikan ingkang non-sense! Nanging Prof Dr Nakula, Menpen Amarta, benten anggepanipun. Pendidikan-massa mujudaken sistem pendidikan ingkang canggih, ingkang wontening salebetipun, panerangan dados luwih eksis malih. Miturut Menpen Nakula, pendidikan-massa ugi saged ngusadhani budaya squealer wontening penerangan. Demi kepentingan punika, Menpen Nakula sumadya nampi pendidikan-massa. Malah sanaos Prof Dr Arjuna tetep boten setuju lantaran kadung fanatik sanget dateng sistem pendidikan versi Sokalima, Prof Dr Nakula bade ngalebetaken pendidikan-massa ing departemenipun. Temahan, sasampunipun faham sanget Prof Dr Arjuna ugi setuju-mantep.

Kocap-kacarita pendidikan-massa mangadheg wontening negari Amarta. Akibatipun astaga-luar-biasa! Rakyat Amarta dados luwih pinter kaliyan kadidik tinimbang negari pundi kemawon. Negari Astina ingkang bangga-gaya mibandha kota megapolitan pendidikan Sokalima dados katilar sanes lantaran kabodoan, nanging lantaran sarwa katilar anggenipun ndereaken kamajengan pendidikan-masa ing Amarta.

Pranyata BSIM saged dados kelep tanas negari Amarta. BSIM medamel kukuh-pengkuhipun kakiatan hankam kaliyan Jendral Bima, Menhankam Amarta, ngiring ngalokasiaken dana persenjataanipun kangge dana informasi demi pendidikan-massa. Wontening babagan sanesipun, BPIM saged medamel informasi-massa dados komoditas ekspor wontening lalu-lintas informasi-massa internasional. Menristek Amarta, Prof Dr Ir Sadewa kasengsem mirsani kecanggihan teknologi informasi BPIM ingkan boten saukur saged ndeteksi informasi saking sareng dateng sedaya pojokan jagat, nanging ugi sedaya pojokan jagat triloka. Pangab Jendral Gatotkaca rumaos remen marang kahanan BPIM punika, ingkang pranyata mibandha kadigdayan spyforce ingkang tebih luwih canggih katimbang agen-rahasia pundi kemawon. Amarta boten perlu malih nyulundupaken James Bond-James Bond-nipun ingkang sok madon kemawon wontening operasi-operasinipun.

Begawan Dawala mesem-kalem. Panjenenganipun tetep-mantep nolak rikala rektor Universitas Sokalima Prof Dr Durna ngulemi panjenenganipun kangge menehi jejuluk Doctor Honoris Causa dumateng Begawan Dawala. Sikap punika dipunanggep hinaan ageng kangge Astina. Menapa malih rikala First Lady Astina, Ny. Banowati PhD, meksa Presiden Duryudana kangge mujudaken perestroika total tumrap Negari "Tirai" Astina. Lantaran boten dipungubris, Banowati ingkang doktor filsafat menika nekad minggat nepungi Begawan Dawala. Meguru elmu panemu.

Rikala Banowati tumaros menapa Begawan Dawala menika wonten, kaliyan suraos tenang-wenang Begawan Dawala ngandika, "I deform, therefore I exist!"

Ki Harsono Siswocarito
Semarang, 21 Maret 2008

Candabirawa: Perang Robot

2008-02-08T20:05:00.000-08:00

Candabirawa karya akbar
Mahacendekiawan raksasa
Budaya abad Biorobotika

FUTURE SHOW--Buku pakem pawayangan jaman wasana tumuli dipunpagelaraken dening ki dalangmaya. Benten kaliyan Future Shock seratan Alvin Toffler, Future Show ngawujudaken karya eksperimentasi rekacipta dialektis saking ilmu lan ngelmu. Wujud manunggaling cipta kalawan rasa: harmoni budaya Kulon kaliyan Wetan. Leresipun ki dalang sanes futurolog, nanging futuris pangambah dimensi en avant vu. --"Nah, menika gaya citra + catur + crita Ki Harsono Siswocarito wontening pagelaran zaman wasana."--Mangga dipunpriksani kemawon:

Kelir ireng
Tabir peteng

"Move!"
(Clap!)--"Awas!"
(Dor!)--"Aauukkhh!"
"Hmh, maju!"
"Tembak!"
(Klik!)--"Sial! Kandas!"

Swara sirna
Sepi tintrim

(Wut! Jleg!)--"Ati-ati! Jaga nang ngarep!"
"Inggih!"--(Wuz! Leb!)--"Aman!"
"Laser, Let!"
"Inggih!"
"Sabot kabel fiber optic iki--cepet!"
(Zzsstz!)--"Beres!"

NAKULA: Nah, wis pedot saluran informasi Mabes Bulupitu lan Lab Biorobotika ing Mandraka. Ayo Jendral Salya disergap!"

SADEWA: Mangke riyin, Kapten Nakula--kados pundi kahanan intelsat Astina?

NAKULA: Lho, apa kowe lali, Letkol Sadewa? Pangkalan militer angkasa luar lan piranti star-war Astina wis amburadul waktu Marsekal Gatotkaca dadi panglima perang lintang.

SADEWA: O leres, sae. C'mon!

Perwira utama kekalih saking Divisi Bumiretawu kaliyan Divisi Sawojajar punika sigra lumampah menyang Mandraka demi tugas madosi kunci rahasia Biorobotika. Tanpa nguwasani kunci rahasia punika mokal Amarta saged nelukaken Brigade Biorobotika Candabirawa ingkan dipunkomandani Senapati Jendral Salya.

Salya tapa rekayasa
Ing Lab Biorobotika

MANDRAKA.--Jendral Salya gentur tapanipun kangge medamel paripurna eksperimen biorobotika ingkang paling enggal. Biorobot Penumpes Pamungkas! Warisan budaya biorobotika saking Prof Dr Bagaspati punika estu luarbiasa. Artificial intelligence, kunci kasuksesan robotika, samenika sampun dipunlengkapi mawi artificial intuition kunci kasuksesan biorobotika. Prof Dr Bagaspati sampun marisaken dedhasar deformasi silico-logicus dados biosilico-logicus. Inggih menika Biorobotika Candabirawa. Amrih lan ajrih! Lajeng dening Jendral Salya, Brigade Biorobotika Candabirawa dipunutus dhateng neraka Kurusetra.

Sasampunipun riset paripurna, Jendral Salya sigra ngontak Mabes Bulupitu. panjenenganipun kaget-roket amargi sedaya saluran informasi sampun risak. Kasurung dening amarah abrit-sengit panjenenganipun mbanting videophone. Lajeng penjenenganipun sigra mandhap saking gedong panyakar langit Lab Biorobotika. Rikala nedhak siti andhap, panjenenganipun dipunadhang dening Kapten Nakula kaliyan Letkol Sadewa.

SADEWA: Usah polah! Ayo rampungna masalah perang!

SALYA: Soal perang? Iki dudu tempate! Perang urusan palagan, dudu laborat!

NAKULA: Bener, Jendral, nanging Lab Biorobotika iki wis sadi sumber malpraktek iptek sing paling mbebayani marang peradaban menungsa jaman wasana. Kurusetra wis ora dadi arena uji-aji kanggo kabecikan lan kaadilan, nanging dadi ajang penumpesan menungsa. Biorobotika gawe menungsa dadi budak lan bidak mangsa ciptaanne dhewe. Tinimbang tumpes-ludes dipateni ciptaan, aluwung mati demi Tuhan!

SALYA: Hmh, banjur karepmu apa?

SADEWA: Waspadana destruction-button iki!

NAKULA: Nah, milih mati sampyuh, atawa serahke konci formula rahasia Biorobotika Candabirawa?

SALYA: Licik-picik kowe keparat! Kowe ngira bisa nandingi kasektenku? Hua-ha-ha-ha… jupuken! Nah, sampe ketemu nang Kurusetra!

Sasampunipun mibandha konci rahasia Biorobotika Candabirawa punika, Kapten Nakula kaliyan Letkol Sadewa kumlepat-kebat ilang tanpa karana wontening kahanan peteng-lelimengan. Jendral Salya melotot kekerot kaliyan cekot-cekot. Kangge meper nafsunipun, panjenenganipun kebat lumebet menyang bar. Boten antawis dangu panjenenganipun sampun lemes-ambles wontening ranjang Setyawati, dolanan bom.

Dipunelus wanoja
Tumpah sedaya

--XXX--
"Lho?"
"O!"

Wanci janari Setyawati tilem-kalem, Jendral Salya nyimpen sci-fi doll caket garwaipun, ingkang saged ngandika, "O Dear, let me go to a biorobotic sci-fi war!" Rampung motong rapekan wengi panjenenganipun buru-buru salin busana perang lajeng kebat tindak menyang Bulupitu.

Beda peristiwa
Tunggal cerita
--F = N2C

LAB BIOART, AMARTA.--Pandawa saged medamel deformasi konci rahasia Biorobotika Candabirawa wontening Lab Bioart, saking deformasi artificial intuition mahluk biosilico-logicus punika mujudaken tigang formasi enggal: biosilico-estheticus, biosilico-ethicus, kaliyan biosilico-mysticus. Saking ketiga formasi punika dipuncipta biorobot Arsoid, Ethicoid, kaliyan Deusoid: wangsa biorobot ingkang mibandha rasio kaliyan rasa. Estu luarbiasa! Lab Bioart saged medamel biorobot jenius ingkang peka marang kabecikan, kaendahan, kaliyan kamukjijatan. Deusoid sigra dipunbekta dening pakar tapa-rekacipta Jendral Darmakesuma saking Lab Bioart punika. Mahluk biosilico-deus punika sampun sayagi dados panyalamet umat wontening palagan The Last World War Bharatayudha.

DARMAKESUMA: Nah, kadosipun Deusoid menika ingkang saged tetandingan kaliyan Candabirawa. Kados pundi kawontennan Kurusetra?

KRESNA: Gawat, Jendral! Cariyosipun tiyang, "Brigade Biorobotika Candabirawa ngamuk-punggung kaliyan tambah katah cacahipun!" Mekaten, Jendral Bima?

BIMA: Bener, Jendral! Amarta kapeksa mundur-tempur sabab kabeh gaman ora ana sing mampu gawe ajur-mumur Biorobotika Candabirawa. Kadigdayan mahluk biosilico-logicus iku nyata-nyata laknat keparat! Jahanam serem-kejem!

DARMAKESUMA: Lajeng strategi menapa ingkang cocok kangge kasalametan umat?

KRESNA: Simpen sedaya senjata! Lajeng gunake pakean anti-biorobotika.

"Tepat! Senjata = bencana! Apa artine? Waspadana--bumi megar, ozon sigar, malapataka jagat datan murwat!"

Nature + Culture - Nurture = No Future
"O Brahmadharmavisnu!"
"Future is the triad of nature-culture-nurture!"

DARMAKESUMA: Sae, back to nurture. Biorobotika Candabirawa kedah dipunmusnahaken. Ayo menyang Kurusetra!

"Inggih! Inggih! Inggih!"

Perang Biorobotika
Ilang Wangsa Jalma

KURUSETRA.--Sci-fi war!

"Dur, Cit, Karta--tingali HDTV: Biorobotika Candabirawa sing perang, awake dhewe tinggal ongkang-ongkang. Kurawa mesti menang!"

HDTV: (Katon--raksasa-raksasa otak-komputer, mripat-parabola, kuping-radar, rambut-laser, untu-misil, tangan-rudal, driji-nuklir, awak-amunisi, paru-paru-mesiu, sikil-panser--solah-polah mekanis-programis-katastropis!)

"Surrealisme kontemporer!"
"Superrealisme!"

(Linggih Jendral Salya + pemijit + minuman--layar detector--tombol-tombol teleinstructor--peta penumpesan Kurusetra--sinyal--0987654321--)

Faulkner: "When will I be blown up?"
"As it's so!"
?²

(Jendral Salya dumadakan njerit selangit, "Deusoid?!"--Supersensory + artificial intuition detector: F = N2C--Biorobotika Candabirawa 1/1 raib-ajaib!)

"Adidaya tanpa senjata!"

SALYA: Hmh, keparat! Sapa sira?

DEUSOID: Ingsun Deusoid.

SALYA: O, my God! Sira Batara Dharma?

Bacon: "Idols of the Mind!"

DEUSOID: O, Salya--onceki dhisik Idols of the Sign, udhari Idols of the Soul. Nembe sira kenal sapa Ingsun!

SALYA: Ilmu Kalimasada!

(Darmakesuma dhateng--Candabirawa ilang--Darmakesuma menang!)

Menungsa ndarane ciptaan
Sanes budak utawi korban
Sanes Tuhan utawi setan!

"Biorobotika lebur!"
"Salya gugur!"
"Hidup Darmakesuma!"

Kelir putih
Tabir asih

:--"Nah, menika wujudipun kilas-pentas. Ana lan Ora sami utami. Kersa ki dalangmaya dimaklumi kemawon--wilujeng tepang malih wontening lakonet sanesipun!"

Ki Harsono Siswocarito
Semarang, 7 Pebruari 2008

Kembang Kampus Sokalima

2008-02-02T20:15:00.000-08:00

Melati katon asri kawit janari
Mawar mekar suminar liar
Kembang ros kembang sakura
Kadya selendang bawana!

UNIVERSITS NEGERI SOKALIMA.—Beat drum ngiringi megah-jangkahipun kembang kampus Sokalima. Estri ayu luwes-kewes tur sarwa pantes dados ciri jaman samangke! Inceran saban lalananging jagat. Lelaki linuwih ingkang gadah jejuluk kumbang kampus kados Arjuna, pinasti dados jelalatan. Naminipun estu ngetop—Srikandi. Perkawis kaasrenipun, pirsani kemawon wontening “Catetan Si Kumbang Kampus,” Arjuna anggambaraken kados punika—

“Kandy estu wanita super trendy: lambene manis kados iklan lipstick; mripate eksotik kados iklan eyeshadow; rikmane aksi kados iklan styling foam; wangine khas kados iklan parfum; rapekane trendy kados iklan mode; bodyne sexy kados iklan bikini; gayane saluwes L’poseur; otake ngeluwihi komputer; sikape praktis-emansipatoris; hobine ngeceng ‘n mejeng; cita-citane keren ‘n beken; idolane artist-oriented; musike ngerock; cintane paten ‘n kapercanten; semboyane—maca, cita, lan karya!”

Juilah! Arjuna estu jenius! Jitu sanget piyambakipun anggambaraken citra wanita super kontemporer. Benten kaliyan gaya seniman orthodox! Pirsani kemawon gayanipun: apa iku lambene gula satemplik, halisna ngajeler paeh, lan sapiturute? Menapa malih seniman ingkang sok abstrak—sedaya kaendahan bubar-ambyar datan karuhan. Kajengipun—suka-suka. Pratela kemawon semboyanipun ingkang klise, “Bentuk-bentuk kasenian anggelaraken hukum-hukumipun piyambak, sanes alesan-alesan ingkang anjurung kaula sedaya ing kahuripan sadinten-dintenipun.” Punika ujaripun Viktor Sjiklovski. Arjuna boten setuju. Kangge piyambakipun, “Seni menika deformasi!” Sae ugi!

Srikandi lumampah kados wontening dhuwur catwalk. Sikapipun nantang model Jane d’Arc. Kacamata mejeng amemanis rikma new wave-ipun. Binar-suminar mripatipun nyamber-banter kados blitz. Dongkapipun medamel Dr Kumbayana sigra-kebat mlumpat saking kantoripun lewat jandela. Astaga--nekad sanget doktor menika. Kajengipun nguber Srikandi. Saestu piyambakipun naksir-tajir sanget marang kembang kampusipun. Pantes! Sanaos piyambakipun sampun kagungan putra sebaya Srikandi, Dr Kumbayana tetep kemawon prex-cuek. Kaselak kena puber kesayuta, go ahead lah!

Kejabi menika, Wilutama, partner kumpul-kuda Dr Kumbayana, boten temtu kamaripun. Sawekdal Aswatama tasih cilik mentik, Wilutama kabur gara-gara boten kelakon dipunparingi artos kangge belanja. Marginipun gaji doktor punika mines kemawon. Ngobyek namung saged 4 SKS, badhe korupsi boten saged. Piyambakipun sanes birokrat! Tur … sst--eling Waskat! Nah niku--modar kowe!

Tinimbang pusing pitung keliling, mending madosi hiburan murahan. Dr Kumbayana nyaketi kembang kampusipun. Kurawa ce-es ribut pating cemuit. Burisrawa inkang jago gombal kontan obral cinta, sengaja nggoda dosen punika.

BURISRAWA: Hellaouw, Kandy--Madonna kampusku. Ngapa gelem diemproceh karo duda tuek-elek ngono? Mending indehoy karo aku, yuk? Mesti syuuurrr-syeeerrr dah!

Srikandi mlerok nanging tetep manis-sinematis. Dr Kumbayana mlotot kena tembak mahasiswanipun ingkang kurang-ajar menika.

DURSASANA (ngguyu ngakak). Huahahaha... denen kuwi luwih klop karo ogut. Iki--mahasiswa Pamarentahan--calon bupati Banjarjumut!

DURMAGATI: Mending zareng kula, calon inzinyur zepezaliz real-eztate maza-depan! Jeng Zri ra perelu dadi korban cinta model rumah zuzun. Pacaran ning real-eztate--canggih ra?

Boten perduli kaliyan ocehan setan! Srikandi buru-buru menyang perpustakaan. Ditinggal nggeblas kados menika, Dr Kumbayana dados sebel sanget. Demi nglampiasaken sial-sebelipun, piyambakipun grundelan ngomeli para mahasiswanipun.

KUMBAYANA: Kowe kabeh kuwi padha ora nduwe etika, ya? Apa kowe kabeh padha kepengin ora lulus ujian? Aku arep menehi kowe kabeh biji E! Verdoooven!

DURMAGATI: Aziiik!

BURISRAWA: Youw ngancem, Dok? Youw kenow sapa ingsun? Putra priyagung! Aja macem-macem lamun youw ora pengen dipecat! Youw andesten, Dok?

Dr Kumbayana namung saged gedeg sirah. Lajeng piyambakipun bablas kados Cakil kalah perang.

PERPUSTAKAAN.--Ing ruang baca perpustakaan, Arjuna katon asyik maos novel seratanipun Yudhistira, Arjuna Madosi Cinta. Piyambakipun boten ngingeti dongkapipun Srikandi. Kados menika ugi sawekdal Kurawa ce-es liar-brutal mbebek kembang kampus dumugi sela-sela almari buku. Ruang baca robih dados ruang cuci-mata. Lantaran risi Arjuna sigra mlumpat-pantat, cabut tanpa ita-itu.

SRIKANDI: Hai, Jun! Enteni!

Arjuna nglirik. Kembang kampus dipunpirsani ngangge sorot soca ingkang atisipun kados es-batu. Kaku-beku! Namung kangge basa-basi piyambakipun tumaros.

ARJUNA: Wonten apa?

SRIKANDI: Boten napa-napa--njenengan badhe tindak pundi?

ARJUNA: Madosi privacy.

Tanpa ngenteni reaksi, Arjuna ngayun-jangkah. Bengong-bingung Srikandi dadosipun. Banowati ingkang nuju nggosip kaliyan kancanipun, dados gumujeng nyakakak.

BANOWATI: Eh, tingali kae--kembang kampus kena watune. Rasake kowe! Aja ngarep-ngarep Mas Jun badhe nggubris ya. Rumangsane denen luwih ayu saka aku. Iki--peragawati!

Dursilawati nyengir kados kelede ningali Banowati nglenggak-lenggok awakipun ingkang simon (super seksi tur montok) punika.

DURSILAWATI: Tapi njenengan kalah cadas, Ban.

BANOWATI: Apa ta kalah cadas?

DURSILAWATI: Kalah cantik lan cerdas!

BANOWATI: Ben! Sing mahapenting menang sexy. Aku jamin bakal sukses anggone saingan. Otak ora penting! Nah--apa ta hebate Srikandi sing memang cantik lan cerdas iku? Apa maneh approach aku karo Mas Arjuna iku wis kawit TK. Pasti Srikandi kalah adhoh!

SURTIKANTI (mesem-kalem): Sayange aku wis tunangan karo Mas Awangga. Nek ora aku ya pengin rame-rame saingan karo kowe-kowe. Apa sih angele mentel Arjuna?

DURSILAWATI: Pedhotke wae tunanganmu, Kanti. Ben tak dadike pacarku.

SURTIKANTI: Enakna!

Bom-guyu mbledhos ing tengah piyambakipun. Ing katebihan Srikandi tasih angadeg-jejeg kaku-beku ningali Arjuna ingkang ilang dipuntilep sudut kampus. Banjur gugah saking lamunanipun sawekdal Aswatama nyodoraken serat ingkang sampulipun awarni biru laut. Piyambakipun sempat ngucapake matur nuwun, teras bablas.

Mega tambaga ing langit
Kulon nyurung peteng
Sandikala lengket dielus
Wengi ingkang atis sepi!

PANCALA.--Srikandi nutup pintu kamaripun. Alon-alon piyambakipun mbikak sampul serat saking Aswatama. Jebule serat punika seratanipun Dr Kumbayana. Wah--bapa dicomblangi anak ta yaa!--penggalihipun Srikandi. Isenipun gombal! Rampung maos serat gombal punika dipunbuang menyang jawi.

Ing jawi, Gandamana--ajudan Jendral Drupada, ramanipun Srikandi--ketimpuk remesan serat gombal punika tepat ngembat jidate. Serat dipuncandak lan dipunpaos piyambakipun sinambi lumampah:--

Dear Srikandi,

Sliramu ayu luwih saka Juliet
Tresnaku marang sliramu luwih saka Romeo!
Aksesori sing tinaretes nang dadaMu
Gawe atiku cemburu kaya Othelo
Marang Desdemona!

Mit der Liebe
Dr Kumbayana

Gandamana kaget-monyet. Sinambi meneng-anteng piyambakipun mendem tresna marang putri atasanipun. Cemburunipun dumadakan umob nyaingi kawah Candradimuka. Saklepat kilat piyambakipun mlompat mlebet jeep plat ijemipun. Teras bablas kagawa gas! Ningali solah-polahipun ajudan punika, penjaga piket molongo kados kebo bodo.

Wengi serem-kejem
Nyaingi jahanam
Dalan petengdhedhet

Jeep plat ijo punika nggeblas dahsyat. Ndadak njerit rem mecah langit. Kendaraan-kendaraan ingkang ngindari benturan kaliyan jeep ingkang kasetanan menika, wonten ingkang ngguling menyang jurang, nyuruduk lonte dalanan, ngelabrak-nabrak pedagang kaki lima, lan … ah, macem-macemlah. Gandamana boten perduli! Saking lebet jeep punika kadangu swanten:--

"I don't care anymore! Cinta luwih penting saka bebaya, luwih utama saka etika! Kumbayana jahanam--takpateni kowe!"

SOKALIMA.--Estu sarwa rusuh datan puguh, Gandamana mbanting stir. Jeep oleng kaya ronggeng ballet. Ing ngajeng griyanipun Dr Kumbayana, jeep mandeg. Gandamana oncat medun. Jangkah-langkahipun manteb, gagah-megah ala Commando. Polatanipun luwih sadis-bengis tinimbang teroris!

GANDAMANA: Kumbayana--metu kowe!

Sesumbaripun anjlegur ambentur tembok bisu. Nanging ing salebeting griya kadangu wonten dengkul saling bentur, gemeter amargi kamigilan. Gandamana ndupak pintu nganti jebol-ambrol.

Dr Kumbayana umpetan wontening kolong ranjang; datan mandeg-mandeg anggone adu-dengkul! Jangkah-gagah sapatu radial sky-high nyaketi. Ranjang melu nderedeg boten katahan. Sapatu radial punika saya caket. Moncong bedhil model Rambo nyelonong pas kena bolongan grananipun Dr Kumbayana.

GANDAMANA: Milih ndasmu dhedhel-duel, apa nyerah?

KUMBAYANA: Modar aku! Iya-iya… k-kula b-badhe m-medal! N-nanging a-ampun d-dipuntembak, nDara.

Nanging Dr Kumbayana boten saged medal saking tempat umpetanipun. Ngangge cara kasar kaliyan kurang-ajar sanget Gandamana nyeret puyambakipun.

KUMBAYANA: K-kula a-ampun d-dipuntembak, nDara. Mangga Ndara candak kemawon TV, video, utawi gaji kula menika tasih utuh….

GANDAMANA: Meneng!!! Aku dudu rampog! Ayo melu aku!

KUMBAYANA: nDara badhe nyandra kula? Percuma, nDara. Kula menika tiyang mboten penting, sanes politisi, sanes priyagung. Saderma pegawe upahan, nDara.

GANDAMANA: Kowe wes lancang-pena. Kowe kudhu nrima hukuman abot lantaran wis kumawani nggoda putri sang jendral!

KUMBAYANA: Ngukum? Nanging mana serat tugasipun, nDara?

GANDAMANA: Ora perlu tugas-tugasan!
KUMBAYANA: Nanging, nDara--negara Astina menika negara hukum. Sanaos kula salah, kula nyuwun nDara kersa ngangge prosedur ingkang sah.

GANDAMANA: Prex! Jagat sinatriya ala wayang mung kenal antem-anteman, jotos-jotosan, lan adu kanuragan. Aku arep mbuktike apa si Kumbayana iki bener-bener sakti mandraguna ora tedhas tapak paluning pandhe--eh, sorry--iku kuno! Maksude, tapak-cetak teknologi nuklir, rudal lan sapiturute!

KUMBAYANA: Wah, nDara--ampun dah! Kula menika saderma intelektual-brahmana, nDara.

GANDAMANA: Apa maksude, Dok?

Dr Kumbayana mesem aningali Gandamana luntur-lulur sadis-bengisipun. kasempatan punika boten dipunsiya-siya.

KUMBAYANA: Nah! Ndara kersa mirsani menapa hartosipun intelektual-brahmana? Goed! Inggih punika manungsa ingkang gadah batok sirahipun kebak dening dalil-dalil iptek kaliyan falsafah sawatawis batinipun kebak dening jopa-japu!

Gandamana suntrutkerut jidatipun. Bedhil Rambo-nipun dipunselehaken. Dr Kumbayana boten kamigilan malih. Piyambakipun rumaos polemologinipun sukses. Polatan sadis-bengisipun ndadak luntur kados gombal murahan.

GANDAMANA: Apa iku jopa-japu? Kaya mantra ya, Dok?

KUMBAYANA: O, sanes! Eh, inggih saged ugi. Nah--menika! Nanging mantra benten kaliyan doa-doa. Mekaten, nDara?

GANDAMANA: O?

KUMBAYANA: Malah upami nDara kersa uninga--wonten mantra modern ingkang saged medamel jalmi dados menapa kemawon ingkang dipun-kersaaken. Leres, nDara.

GANDAMANA: Apa iku, Dok?

Dr Kumbayana sakjurus ngeling-eling mantra modern ingkang sampun dipunapalaken. Ngangge gaya bujangga piyambakipun maos mantra punika:--

Papaliko arukabazuku kodega suzukalibu tutuk liba dekodega zamzam lagotokoco

Busyet! Punika saking "Husspuss" seratanipun Sutardji Calzoum Bachri. Dasar-dasar! Gandamana rumaos dipunapusi. Lantaran bonten kiat nahan sewot nganti kerot-kerot, jab sakbobot Tyson telak nabrak granaipun Dr Kumbayana. Sareng gajulan Tae Kwon Do Gandamana cekap kangge medamel remuk panangan kenca sasaranipun. Doktor sial-dangkal punika ambruk-nglumpruk.

Bumi gonjang langit gonjing!
Tinggal peteng datan kumelip!

RUMAH SAKIT.--Sokalima geger! Dr Kumbayana ajur-mumur-babak-belur. Aswatama tanpa daya tanpa upaya. Piyambakipun boten ngertos sinten ingkang kumawantun angrogahala ramanipun. Wengi punika sakonduripun saking griyanipun Dursilawati, piyambakipun mirsani kawontenan griyanipun morak-marik lan ramanipun kelelep wontening lebet got persis kados werok. Piyambakipun anggraita kadosipun wonten rampogan lan rajapati. Nanging boten wonten barang ingkang ical kajabi kancing rapekan ramanipun ingkang rontok ketawuran. Miturut detektif partikelir positif sanes motif rampogan, nanging panganiayaan.

Ing ruang tunggu rumah sakit, Aswatama bingung-linglung. Sawekdal setunggal dokter medal saking ICU, piyambakipun nyaketi.

ASWATAMA: Pripun, Dok?

DOKTER: Emm--sae. Gegar otakipun sagen waras waluya, nanging cacad boten saged dipunsinglar. Utaminipun, waos, grana, lan asta kiwanipun Dr Kumbayana boten saged pulih malih kados sedia kala.

Aswatama anggreges lemes. Piyambakipun rubuh-runtuh nubruk korsi lipat sikil x. Socanipun redup lir lampu kurang setrum. Dokter punika namung saged mesem cuka. Asem-kecut! Saking kaca, langit katon pucet kados kain kafan. Tatahan polatan pasrah lemah kablebet taton katon parah. Dr Kumbayana ambujur wontening ICU. Wontening sela-sela sedih-perih lamat-lamat kadangu nglindur, "papaliko… bazuku… suzu… ibu…"

Lemes-ngenes Aswatama dadosipun. Dipunpirsani satus botol infus giliran nglawan mampus. Wontening kasedihanipun wekdal keraos alon sanget.

Waos janari sepi
Tanpa kocap tanpa
Taros tanpa wartos!

Aswatama unjal ambegan! Piyambakipun ambuka catetan dintenanipun: Minggu, Senen, Selasa… Minggu, Minggu, Minggu--lan kathah Minggu ingkang sampun kaliwat, Dr Kumbayana dereng waras waluya. Alon nanging pasti, Aswatama nyoretaken pulpenipun:--

Tinggal tanggal sing owah; nanging dinten datan gantos cinariyos. Rama kula tasih kuyu. Perkarane beku. De polis ken du nating! Kadose sengaja dikulkaske. Demenan kula, si gembrot Dursilawati, ugi sialan. Caket kamar mayat, denen tasih nyuwun di-68. Jarene, "Cinta ora kenal sangsara!" Aje gileee! 68 malih lan malih-malih 68. Gila-geline teka-teki! Denen memang seneng sing hot-hot: martabak panas, utawi kue Bandung anget. Rakuse angujubilah! Kula nembe sepotong, denen wis entek pitu. Cocoglah kambi untune sing radial kaya ban traktor! Dasar ondel-ondel Betawi! Cuweklah….

Kadangu jumangkah gagah nyaketi. Aswatama nutup bukunipun. Saking waos corridor muncul Arjuna.

ARJUNA: G'morrow, Tom! Pak Doktor sampun mantun?

ASWATAMA: G'monin, Fren--ya nikulah!

ARJUNA: Miturut polisi pripun hasile?

ASWATAMA: Nihil!

ARJUNA: Sure?--may and may not be. Kula lagi nyobi madosi masalahe. Kajahatan ora bisa minggat kejabi menyang neraka.

ASWATAMA: Yes, Fren--smes it! Yu'll be ol rait.

Arjuna maklum-mafhum kaliyan dialek Inggris mbeling Aswatama. Sasampunipun nengok Dr Kumbayana, Arjuna cabut-sikil.

ARJUNA: G'bye, Tom!

ASWATAMA: G'bay, Fren!

Waos corridor nguntal Arjuna bunder-bunder. Lenyap-ngeclap!

Singkat warta
Ngudag peristiwa
Tandha Kurawa
Padha unjuk-rasa!

ASTINA.--Letjen Sakuni, Kapoltabes Astina, nuju mimpin briefing. Letkol Kartamarma linggih sinambi mlintir kumisipun ingkan kaku kados ruji bui. Mayor Citraksi ngangguk-angguk sirah sanes mudheng intruksi pemimpinipun, nanging lantaran ngantuk. Kopral Citrayuda sare nganti ngiler.

SAKUNI: Hasil kajineman sing motipe politik wis positip yen sing nganiaya Dr Kumbayana iku Bima! Sabab wong sing duwe driji kaya pisang ambon sasisir iku mung si Bima. Ora ragu maneh--cekel si Bima bangsat iku. Laksanake!

KARTAMARMA: Sayagi!

Sasampunipun hormat marang pemimpin, Letkol Kartamarma ganti nyikut anak-buahipun. Ndilat nang dhuwur nyikut nang ngisor iku wis ngoyod nang tradisi! Budaya mines ingkang datan kena sininglar. Borok kados mekaten boten perlu dipunperban--amputasi wae ben nyaho.

KARTAMARMA: Yor-Mayor--tangi! Molor ae. Tangi, Yor!

Mayor Citraksi malah kontes ngorok kaliyan Kopral Citrayuda. Letkol Kartamarma boten kentekan cara kangge nggugah anak-buahipun.

KARTAMARMA: Mayor, aku entuk bonus kiye!

CITRAKSI: Mana-mana? Bagi hasil ta, Overste!

CITRAYUDA: Fifty-fifty ae ta, Ov, kambi anak-buah.

Letkol Kartamarma mringis sinis. Nah kon! Upami sampun kados mekaten, anak-buah purun boten purun kedah disiplin. Piyambakipun boten saged medamel sanesipun kejabi jengkar ngemban tugas.

TAMAN.--Lantaran Bima sanes buronan, gampil sanget dipuntepangi. Ing sawiji taman, piyambakipun nuju asyik yangyangan kaliyan sutresnanipun--Nagagini. Letkol Kartamarma buru-buru ngatur strategi kangge nyekel Bima.

KARTAMARMA: Kasempatan! Bima lagi pacaran karo banci. Awas aja nganti lolos! Kowe ngerti cara canggih kanggo nyiduk Bima, Mayor?

CITRAKSI: Gampil! Dipuntembak langsung kemawon, kados petrus punika.

KARTAMARMA: Hush--ngaco! Iku cara paling akhir. Eling--awake dhewe kudu njaga citra de polis.

CITRAYUDA: Kula usul. Saenipun ngangge mantra panyirepan supados Bima sare lajeng tinggal digusur. Beres, mboten?

KARTAMARMA: Kowe isa ngrapale, Pral?

CITRAYUDA: Inggih mesti ta ya. Sinten rumiyin, kula!

CITRAKSI: Alaaa--isa-isane ae. Coba sik aku pengin ngerti.

Kopral Citrayuda sidakep asikep dada. Socanipun merem. Waosipun komat-kamit angrapal lafal mantra penyirepan:--

Rep sirep si megandana,
Wong sarewu pada tumut,
Salaksa wong serah nyawa.

Reaksinipun dereng katingal. Bima kaliyan sutresnaipun malah tambah mesra. Mayor Citraksi mulai nguap lir bajul angob; nanging piyambakipun memang gadhah penyakit lethargy. Letkol Kartamarma bengong-monyong. Suasana malah nambah gairah Bima. Punapa malih doi'nipun boten sungkan-sungkan seleh-sirah wontening dada Bima.

KARTAMARMA: Cilaka dua-belas, Pral! Wis cekel sisan!

CITRAYUDA: Enteni sakedap. Tingali menika Bima mulai nunduk. Doi'nipun sampun sare dipunelus-elus.

KARTAMARMA: Busyet--emang iku wong lagi in action. Dudu molor, Pral. Goblog kowe kuwi!

Tanpa dinyana, Bima mbalangaken botol minuman lan tepat ngembat jidat Letkol Kartamarma. Tanpa ampun malih, piyambakipun kontan pingsan. Awakipun rubuh kados gedebog dipuntebas pedang. Soca abrit-ngantuk Mayor Citraksi mlotot kados traffic light. Abang-kuning-ijo!

CITRAKSI: Cekel, Pral!

Bima kaget-copet dipunsentak-bentak Kopral Citrayuda. Nagagini ndredeg kamigilan. Bima mangaded. Dipuntingali pasuryan Mayor Citraksi kaliyan Kopral Citrayuda ingkang kados cow boy kampung punika. Bima nyangka tiyang-tiyang punika barandalan ingkang sok jagoan nuju madosi story. Ngangge sikap jantan ala pendekar, Bima jumangkah siap tempur.

CITRAKSI: Nyerah ae, le!

Asta ingkang mucuk pestol nyelonong menyang grananipun Bima. Sakelebat kilat piyambakipun nyamber pestol punika, kaliyan tinjunipun nabrak telak polatan bewos-jembros si Mayor. Ningali pimpinanipun dipun-KO ing menit kawitan, Kopral Citrayuda nyandak pestolipun. Tanpa sempat dipuntodongaken, satunggil anteman ingkang bobotipun 3 kwintal mbentur weteng-buncitipun. Tanpa ampun malih kopral-sial punika dhawah menyang njaba taman, lajeng njegur menyang jero got buthek. Tontonan gratis kiye--jare wong liwat.

Bima ngresiki lengen rasukanipun. Nagagini ingkang kaku-beku wontening pojok taman, buru-buru nubruk doi'nipun. Bima ngrangkul sitresnanipun.

NAGAGINI: Kangmas mboten napa-napa? Gila kula kala wau--nanging, asyik ugi. Gaya Kangmas kados Mr T bintang The A Team menika!

Bima mesem-kalem. Sejoli kekalihipun "cup-mmmh-cup-mmmh", teras bablas.

Siang ingkang panas
Tumaros dinten naas

MARKAS.--Letjen Sakuni ndamprati anak-buahipun.

SAKUNI: Goblog! Ngemban tugas kaya ngana ae ora becus!

KARTAMARMA: Perkawisipun mboten mempan mantra.

SAKUNI: Mantra? Apa iku? Padha tolol kabeh! Nganggo utek. Ditembak-bius ae--beres!

CITRAKSI: Bener ugi, ya? Nganggo obat-bius, dijamin lemes-ambles kae si Bima. Let's go, Pral!

"Ingkang Nganiaya Dr Kumbayana Sampun Dicekel!"

SOKALIMA.--Arjuna bengong-ndomblong maos wartos Suara Astina. Bima buru-buru dipunadhepaken menyang pengadilan. Arjuna ndoyong dadosipun--menapa malah Bima, kangmasipun, ingkang kacekel lan kadakwa nganiaya Dr Kumbayana? Jelas fitnah!--penggalihipun Arjuna. Kajinemanipun piyambak nembe sepalih mergi: serat gombal-kumal seratanipun Dr Kumbayana, sampun tinemu dening Arjuna wontening wadah sampah. Serat punika wonten tetalian kaliyan kembang kampus Sokalima--Srikandi. Ing emper kampus, Arjuna dipunadhang Banowati.

BANOWATI: Jun, anter aku shopping ya?

ARJUNA: Wah--sorry lah, Ban. Aku lagi sibuk.

BANOWATI: Sakedaaap ae, napa sih, Jun?

ARJUNA: Ra isa, Ban. Ana urusan penting!

Banowati suntrut-camberut, gagal nggaet Arjuna kangge diajak jalan-jalan. Padhahal piyambakipun sampun totohan kaliyan Surtikanti lan Dursilawati. Arjuna boten nggubris muka-kuciwa punika. Serat gombal-kumal ngajak piyambakipun bidhal menyang griyanipun Srikandi.

PANCALA.--Rampung ngisi buku-tamu ingkang dipunsodoraken si rai sadis-bengis Gandamana, Arjuna nembe saged tumuju ruang tamu. Srikandi muncul bareng gumujeng manis kados iklan lipstick. Awakipun katon padat-sehat kebalut calana jeans ketat kaliyan T-shirt ngepas. Arjuna ingkang apal marang Katuranggan Perawan, kontan nglebetaken wontening tipe wanita Gedang Kencana kaliyan rada Mitra Dharma!

SRIKANDI: Come in, Jun. Akhire sliramu dugi teng mriki.

ARJUNA: Danke! Kula perlu bantuan, Kandy.

SRIKANDI: O-ya? Menapa?

ARJUNA: Njenengan kenal serat menika?

Ningali serat gombal seratanipun Dr Kumbayana wontening astanipun Arjuna, Srikandi kaget-monyet. Arjuna mesem-kalem.

SRIKANDI: Serat menika kepungkur dakbuang kemawon. Pripun kok saged nyasar marang sliramu, Jun?

ARJUNA: Kula nemu teng wadah sampah Dr Kumbayana. Njenengan sing mbalekna?

SRIKANDI: Ah, mboten! Emange kenapa sih, Jun?

ARJUNA: Serat menika wonten patalinipun kaliyan penganiayaan Dr Kumbayana. Menapa malih, Bima sampun dados korban salah cekel. Tangehlamun piyambakipun ingkang tega ngepruk-remuk dosenipun.

SRIKANDI: Banjur sliramu nuduh kula, Jun?

ARJUNA: Sanes mekaten, Kandy. Menawi wonten tiyang ingkang cemburu lajeng ngrogahala ingkang nyerat serat menika. Njenengan sampun gadhah pacar, Kandy?

SRIKANDY: Em… dereng, Jun. Papa nglarang pacaran riyin. Ujaripun papa, "Cita-cita dhisik, nembe cinta!" menapa malih, pengawalan Kang Ganda ketat sanget.

Kasempatan!--penggalihipun Arjuna. Lengket dipunpandeng piyambakipun. Dasar mripat lanang! Srikandi rumaos isin. Rona abrit wontening pipinipun malah nambah kaendahanipun. Piyambakipun njabel pandenganipun saking gigir sofa. Lajeng piyambakipun ngwantunaken diri nglirik cowok super-kece ing sisih tengen ngajenganipun. Nnging brantakan! Sorot socanipun tabrakan. Sepoles mesem Richard Gere kalukis-manis wontening lambenipun Arjuna. Spontan-kontan jantung Srikandi degdegan nyaingi beat-drums Phil Collins.

ARJUNA: Kula permiyos riyin--see you later, Kandy.

SRIKANDI: Kok cepetan, sih? Badhe tindak pundi, Jun?

ARJUNA: Maklum--detektif amatir! Yoo, Kandy.

SRIKANDI: Yoo-bye!

Nembe kemawon Arjuna jumangkah medal saking pager, kadangu swanten abot manggil. Piyambakipun mirsani. Gandamana stand-by caket jeep plat ijemipun. Polatan sadis-terorisipun tan kenal kompromi.

GANDAMANA: Aja coba-coba nggoda putri Sang Jendral, lamun ora pengin senasib karo Dr Kumbayana. Waspadana--Tangan tengenku rumah sakit, tangan kiwaku naraka!

ARJUNA: O, iki toh--sing nganiaya Dr Kumbayana iku?

GANDAMANA: Iyo--arep apa kowe?

ARJUNA: Jantan ugi rupane! Atawa mentang-mentang Ajudan? Prex! Kaadilan luwih penting saka jabatan.

GANDAMANA: Aja sok pahlawan, Le! Dadi pangecut ae ben slamet.

ARJUNA: Prex ah! Wong kaya ngene iki pantese dadi isi bui. Go to jail, Lik!

Ndadak Gandamana oncat, tinjunipun siap mbentur sirahipun Arjuna. Nanging mleset! Si juru-kepruk penasaran, amalahipun kobar-kewalagar nyaingi kilang minyak Iran ingkang dipunbom Irak. Peperangan datan sininglar. Segi fisik, Arjuna kalah ageng; nanging segi taktik, piyambakipun menang pinter. Boten aneh upami Gandamana kewalahan, lajeng njabut piso commando-nipun. Kasurung buas-ganasipun piso nilup ngarah dada Arjuna. Saklebat kilat dipunsamber dening Arjuna, kaliyan talapunganipun cekap kangge nyungsepaken Gandamana ngambung aspal panas.

Gandamana buru-buru ngadheg. Goncekan marang gigir jeepipun, sembari sempoyongan kaya gaya mabuk, piyambakipun nyandak bedhil Rambo-nipun. Lajeng dipuntodongaken marang Arjuna.

GANDAMANA: He-he-he… mampus-pupus kowe, Le!

ARJUNA: Ben! Kowe ya mesti modhar yen ngerti sapa aku.

GANDAMANA: Lha emange sapa kowe?

ARJUNA: Arjuna! Calon menantu Jendral Drupada.

Bedhil siap "DOR" punika mandhap alon-alon. Sanes lantaran grogi disentak-gertak Arjuna, nanging lantaran Jendral Drupada muncul kaliyan Srikandi.

DRUPADA: Kowe kuwi arep migawe apa, Kapiten?

GANDAMANA: Piyambakipun sampun mbedhah harga diri kula, Jendral.

DRUPADA: Bener omongan iku, Arjuna?

ARJUNA: Bohong, Oom! Ngaco-beo. Malah piyambakipun ingkan ngrumiyini ngajak gelut. Piyambakipun ingkang nganiaya Dr Kumbayana, Oom.

SRIKANDI (kaget): Pripun ta kok nganti nekad mekaten, Ganda?

GANDAMANA: Demi salirmu Nona Muda--kula tresna marang sliramu.

Midangu pangaken model mekaten, Srikandi bengong-bolong. Arjuna mesem-geli. Konyol! Sorot socanipun Gandamana rubuh-runtuh nubruk ujung sepatu Jendral Drupada.

DRUPADA: Kowe kudu tanggung jawab karo kabeh resiko perkara iki, Kapiten! En aku mokal bisa nulungi atawa nglindungi kelakuan model kuwi. Kaadilan luwih kuwasa tinimbang jabatan.

Mobil tahanan mapag Gandamana. Sakedap piyambakipun sempat nglirik kembang kampus Sokalima. Srikandi mandeng dumugi mobil menika ical diuntal tikungan. Lajeng piyambakipun banting-soca marang Arjuna wontening sisihanipun. Arjuna mapag ngangge mesem ingkang "cup-mmmh". Tebar mekar kembang-kembang cinta wontening dada Srikandi nantang kumbang rubuh-luluh menyang rerangkulan. Cup-mmmh--CUT! Kamesran kembang kaliyan kumbang kampus kapapag lagu Greatest Love of All lantunan si super hitam manis Whitney Houston.

Ki Harsono Siswocarito
Semarang, 2 Pebruari 2008

Senapati Wanita Ing Kurusetra

2008-01-13T19:47:00.000-08:00

Lara-lapa muspra
Nangisi sing ora ana

MARKAS RANDUGUMBALA, AMARTA.--Wadyabala Multinasional Wirata tumpas-tampis ing neraka Kurusetra. Matswapati, Presiden Wirata, gething kepati-pati! Nanging datan daya-upaya, panjenenganipun sampun sepuh. Demi anjagi kawibawan, panjenenganipun sigra tumindak menyang markas. Pandawa nuju medamel rapat-kilat.

DARMAKUSUMA: Para Priyagung Pandawa--kita perlu nyusun strategi lan ngangkat senapati enggal kangge nandingi wadyabala Multimodern Kurawa ingkang dipunpimpin Jendral Bisma. Mekaten, Jendral Kresna?

KRESNA: Inggih! Kadosipun boten wonten ingkang sagah anggempur-ajur Jendral Bisma kejabi Kolonel Srikandi. Kalemahanipun senapati pumika wontening astanipun wanita. Nah, menapa Jendral Arjuna boten kawratan?

ARJUNA: Boten! Nanging menapa boten salah-angkat? Tasih kathah para perwiratama ing Amarta. Menapa milih wanita kangge dados senapati?

KRESNA: Leres, Jendral Arjuna--nanging kita perlu cara sanes. Amarta kalah amargi keliwat angandel-andelake strategi lan teknologi parang. Pramila strategi lan teknologi tempur Jendral Bisma luwih tangguh-ampuh boten wonten kalemahanipun. Namung wonten satunggiling srana kangge madosi kalemahanipun Jendral Bisma inggih menika banjaranipun piyambak, utaminipun ing "Cariyos Dewi Amba". Ing babagan menika wontenipun tragic aspect menungsa Bisma. Lan wanita luwih mumpuni anggenipun nguwasani kakiatan makna-batin cariyos punika.

BIMA: Waaah, ora nalar! Mokal sastra bisa didadike tandingan teori lan strategi perang!

NAKULA: Menapa boten? Upami dipunpenggalih kanthi premati, inspirasi sagen luwih prayogi ketimbang teori utawi strategi.

SADEWA: Menawi! Menapa malih negari Amarta punika anti diskriminasi. Divisi Sawojajar setuju kangge dipunangkatipun senapati wanita.

BIMA: Becik! Divisi Jodipati ugi setuju!

DARMAKUSUMA: Kersanipun kula musyawarah menika saged mufakat-bulat. Amargi tanpa kamufakatan, mokal bisa kalaksanan manunggalipun tindakan. Lan pripun miturut Ki Lurah Semar?

"Sip, Mo. Usulna aku dadi senapati."
"Huh, sok aje lu, Kang!"
"Demi bela-bakti lho, Truk."
"Bela-bakti apa pangkat?"
"Dadi hansip ae rak pokro!"
"Sok pahlawan!"
"Sssh, aja ribut, Le!"
"Ya, Mo!"

SEMAR: Matur nuwun, kula percanten marang kabijakan-kabajikanipun para priyangung. Inggih, monggo kerso kemawon.

"Payah! Rak nywarakna nurani rakyat."
"Sst! Loyalitas, Kang!"
(Zzzz!)
"Eh, swara apa, Truk?"
"Bagong ngorok--"
"Dwasar!"
"Meneng, Le!"

DARMAKUSUMA: Matur nuwun, Ki Lurah. Sae, kadosipun kita sampun mufakat ngangkat Kolonel Srikandi dados senapai. Lan rapat ampun paripurna.

(Tok! Tok! Tok!)

"Excuse me, Sir. Can you tell me about--"
"No! Scat!"
"Op de rekord, Mistuh!"
"Sapa ta, Gong?"
"Isuis-njaba, nyasar!"
"He-he, yo-ah teng ngajeng!"
(Kriiing… klek!)--"Hello, sinten?…
O, Mas Gatot… Iki Sri! Wonten wartos penting?… Oke, Brigade Jane d'Ark Madukara sigra tumindak menyang Kurusetra!… Ya, Merdeka!"--(Klek!)

Mabuk, usah sibuk
Mabuk, usah sibuk
Mabuk, usah sibuk

MARKAS BULUPITU, ASTINA.--Kurawa pesta-andrawina angrayaken kaunggulanipun. Minum-minum nganthi ambruk-mabuk! Ujaripun tyang nem: "Teller!" Mirsani wadyabalanipun boten disiplin kados menika, Jendral Bisma kuciwa-awrat. Kadosipun, kamenangan saged medamel mabuk!

"O ciu kehuripan!"
(Gluk! Gluk!)--"Aahh…."
"Vodka. O dansa Mazurka!"
(Pluf!)--"Minum, Dur! Slamet--" (Ting!)
"O Mbodrooo-mBodro, rene, Cah Ayu… sesuk Arjuna arep takpanggang! S-slira a-arep takwenehi s-suaka… hooeekh!"

CITRAYUDA: Huh! Mabok-kampungan!

DURSASANA: Jegurna got ra wis, ben ngombe comberan!

DURMAGATI: Eh, zangan--kazihan! Kazih racun aza zekaliguz biar mampuz!

"Oh, Rukma, k-kowe m-mati? B-ben ae, k-kowe pahlawan sing paling--"
"Konyol!"

Jendral Bisma medal saking markas. Panjenenganipun boten mentala mirsani kawontenanipun wadyabala Kurawa! Menapa artinipun kamutakhiran strategi lan teknologi perang upami para wadyabala lumpuh-sampyuh mati-disiplin? Murpra!

"Ana apa, Pral?"
"Lapor! Pandawa asok upeti wanita!"
"Lho! Aziiik!"
"Cihuy, yuk ah nyang Kurusetra!"
(Prok! Prok! Prok!)--"Hey Dur, Cit, Karta! Ayo nyang front!"

BISMA: Hah wadyabala Kurawa! Buang botol-botol setan iku! Pandawa nyerbu!

"S-siaaap!"

BISMA: Kapeksa! Bala-mabuk iki kapeksa dakgiring menyang medan perang.

Mabuk-tempur!
Ajur-mumur!

Do not weep
War is kind

"Kula bade nonton perang, Tante."
"Aja, Sanjaya! Dak kena rudal nyasar!"
"Boten, Tante Kunti--wonten kelir Anti Nuklir."
"Ngaco! Rama duka lho!"
"Kersane, yo-ah, Tante."
"Widura! Widura! Anakmu nekat minggat menyang Kurusetra!"
"Kajenge, Mbakyu. Sapa nyana dadi wartawan perang?"

KURUSETRA.--Pinggiran!

"Nonton nang kene ae."
"Iyo-yo!"

Dug-der-dug-der-dug!
Jejiduran swara bedug!

"Hidup Bisma! Hidup Kurawa!"
"Hinup Ngurawa! Wingi angu mengang naruhan nerong-- hinup Muna Nerong!"
"Gong, kepruk-remuk kae botoh Kurawa!"
"Plintheng ae, Truk!"
"Iki watune."
(Cpret!)--"Hinup--(Plethak!)--anuh! Menyut ngunulngu!"
"He-he-he…!"
"Rokok-rokok, premen Menthos, tisu Getsby! Tisu, Lik--anti-hamil?"
"Gak gah!"
"Ese es! Es ana asepe!"
"Koran-koran! Warta panas: KURUSERTA MEMBARA. Tempur konyol ing Kurusetra, ya, koran-koran!"
"Teloor, telor legi!"
(Jreng!)--"Ya, Para Sedulur, sugeng tepang lan idinana ngibur Sedulur sedaya!"--(Jreng!)
"Maaas, paring kula nyuwun, eMaaas!"--(Klotrak!)
(Cplek!)--"Sip! Aku njagoni Pandawa! Apa totohane?"
"Bojoku!"
"Ngapa! Tuwek-elek!"
"Ngece-kere!"
(Tet-treteeet!)
"Ngentut ya, Lik?"
"Terompet tolol!"
"Diancuk! Pindah ah!"
"Weleh-weleh kae barisan cewek--arep perang apa renang?"
"Sst! Tempur nang kasur!"
"Hush! Ngawur!"

Sanalika Brigade Jane d'Ark Madukara saged anjebol-ambrol wadyabala Kurawa. Lan konyolipun, para tamtama-punggawa Kurawa ngadhepi serangan menika persis kados nepangi garwaipun piyambak.

"O, come, Darling!"
"Darling-darling nje--(Dor!)--gundulmu!"
"Eladalah! Teja-teja sulaksana, tejanira wong anyar katon, ing wingking pundi pinoko, ing ngajeng--"
(Dor!)--"Kesuwen!"
"Enteki ae, Jeng! Perang kok nganggo basa-basi kuno!"

SRIKANDI: Bisma, tampanana wanci-pinasti tamat riwayat sira!

"Awal, Jendral!"--(Dor!)

BISMA: Aaakkkhhh!

"Hooorrreee! Bisma gugur!"
"Hidup Panglima Wanita!"

Semarang, 13 Januari 2008
Ki Harsono Siswocarito

Sang Seta Senapati Amarta

2008-01-03T20:33:00.000-08:00

Bumi abrit getih
Langit abrit geni

KURUSETRA--Kobaran! Padhang-kawalagar, padha bom-boman, tembak-tembakan, paten-patenan dados tandha wontening Bharatayudha. Nafas-sekarat lan jerit-mati mrajalela. Neraka Kurusetra boten kenal kompromi. Serem-kejem lir jahanam!

Ing ngajeng, Kolonel Wratsangka kasembadan anggempur mundur pasukan Kurawa. Lajeng piyambake ngibarake gendera Amarta wontening tegal Kurusetra.

ARDAWALIKA: Ora salah maneh, sing ngibarake gendera nang tengah tegal Kurusetra kae pasti si keparat Arjuna. Saiki wis cucukwaktune kanggo mateni si Arjuna marga dendam. Arep dakudani bom atom--modar-ambyar keparat!

"Awas! Pesawat siluman!"
"Bom--tiaraaap!"
(GELEGAR!)
"O, my God!"
"Wratsangka gugur!"

ARDAWALIKA: Hah? Wratsangka? Sial-dangkal! Salah ngebom. Cilaka--aku kudu kebat-minggat ben slamet!

"Tembak-telak! Aduh kaburu jauh!"
"Cepet kontek Kapten Utara!"
"Inggih!"

Wartos tewasipun Kolonel Wratsangka ing garis ngajeng bener-bener ngobar-kewalagar kaprawiranipun Kapten Utara.

UTARA: Biadab! Aku mesti males patine Wratsangka.

Hutang maut ditebus maut
Hutang nyawa bayar nyawa

"Hutang kolonel bayar kopral!"
"Hush! Kui durung lunas-puspas!"

UTARA: Bangsat Kurawa, tampani balesanku.

"Weleh, Kapten Utara ngamuk-punggung!"
"Cepet dibalang granat!"--(Pluk!)
"Busyet, apes, Dur!"

BISMA: Awas, Utara--aja takon dosa! Rasakena senjata laser ganas-panas iki.

(ZOZZZ!)
"Utara gugur! Utara mati! Utara modar!"
"Duh, Gusti! Piye, Truk?"
"Lapor nang markas, Gong!"
"Gawat tuh! Ayo mlayu!"

MARKAS RANDUGUMBALA, AMARTA.--Geger-moer! Wartos tumpas-tampisipun pasukan mancanegara saking Wirata medamel para priyagung Pandawa kecut-ati. Pranyata pasukan Kurawa ingkang dipunkomandani Panglima Jendral Bisma saestu tangguh tur ampuh! Para waskita Amarta rikat ngangkat panglima tandingan. Pilihanipun tumiba dhateng Jendral Seta, mahapakar strategi tempur pamungkas saking Wirata.

YUDISTIRA: Sugeng ngemban tugas, Jendral Seta.

SETA: Siap tumindak!

KRESNA: Marsekal Gatotkaca--kawal jengkaripun Bapak Panglima!

GATOTKACA: Siap tumindak lumampah!

Cepat-kebat pesawat-tempur Krincingwesi mabur ing geganawiyati. Lajeng Panglima Seta mandhap lan majeng menyang medan perang.

FRONT KURUSETRA.--Dongkapipun bantuan pasukan Wirata kaliyan Panglima Seta medamel kukuh-kokohipun kekiatan tempur Amarta. Sawatawis ing sisih Astina dereng dipunpasok pasukan ingkang enggal. Jendral Seta boten medamel kasempatan menika muspra. Kados gampil sanget pasukan Amarta mbedhah-bubrah pasukan Kurawa.

SETA: Hmh, Bisma, aku tandinganmu! Kowe kudu nebus nyawa panglima Wirata sakloron. Iki adhepi Seta, Panglima Pamungkas ti Wirata!

"Gempur-mundur!"

Cepat-minggat
Bisma ngabur
Mundur-tempur

BISMA: Edan! Si Seta setan tenan!

"Mokal mampu awake dhewe nangkis si Seta setan kae!"
"Cepat mlayu ben slamet, Let!"
"Aja nekad, Citraksi!"
"Dur, mundur!"

SETA: Hua-ha-ha… Bisma mundur-kabur! Endi kadigdayanmu, Bisma? Aja sambat kaniaya! Arep minggat nang endi kowe, Bisma?

"Weleh, Bisma mlompat blabar kawat!"
"Sikat granat!"
(BLAAAR!)
"Tumpes-ludes Kurawa!"

SETA: Hmh, ora ana wong Kurawa sing wani mlebu Kurusetra. Medan tempur iki mutlak dadi kakuwasanku.

Suasana terang-tenang
Situasi hening-wening

"Asyik, aku arep ngumpulna rongsokan tank ah."
"Juragan besi-tua ya, Lik?"
"Ist, dudu! Aku ki laskar pemulung."
"Eh, Kang, go apa ta ngurusi barang sisa perang?"
"Ah, lumayan kanggo didaur--(Dor!)--eh!"
"Gawat! Ada penembak gelap!"
"Awas tiarap!"
(Dor!)

SETA: Hmh? Panembak gelap! Saka endi, ya? Aneh--ora katon.

(Dor!)

SETA: Hai pengecut! Metua kowe nek bener-bener satria. Tandingana Seta.

(Dor!)

SETA: E-eh keparat! Si pengecut iku kudu dikerjani. Aku arep pura-pura mati, ben metu saka tempat umpetane.

(Dor!)
"Seta gugur! Seta mampus!"
"Seta modar di-dor petrus!"
"Perang isu, ya?"
"Sst, rahasia!"
"Eh, Pral, pengin ngerti ra? Tapi aja crita-crita. Seta dipetrus Letnan Rukma!"
"Hidup Rukma! Pf, pahlawan Kurawa!"

RUKMA: Ha-ha-ha… iki kula Rukma pahlawane! Satria pilih tanding! Endi koncarane aran si Seta? Cuih--omong-kosong! Ayo tibana kabeh kakuatan tempur Amarta, pasti kugiles-tandhes nganggo invisible-tank iki.

SETA: Hua-ha-ha… dasar gedhe tutuk-umuk! Rukmaa-Rukma, kowe kira aku ora gableg polo kanggo nyiasati kalicikanmu iku? Rasakena senjata buas-ganas iki!

(Leb-Der!)
"Rukma mampus! Rukma mati-konyol!"
"Hidup Panglima Amarta! Hidup Seta!"
"Seta! Seta! Seta!"

BISMA: Heh, Seta, aja keselak bangga dhisik! Kowe pasti kobong-gosong kena senjata laser iki. Rasake, Seta!

(ZOZZZ!)

SETA: Aaakkkhhh!!!

Takdir datan kepungkir
Qadar datan kesingsal

"Seta, o, Seta… Gusti!"
"Seta gugur! Seta gugur!"

BISMA: Ha-ha-ha… Seta, modar akhire kowe. Mokal ana sing mampu tanding-jurit karo aku!

"Horreee… Seta mampus!"
"Mampus! Mampus! Mampus!"
"Hidup Bisma!"
"Bisma! Bisma! Bisma!"

Hakekat semesta kata
Saka ana lan tan ana

Ki Harsono Siswocarito

Semarang, 4 Januari 2008

Balada Utopia Dr Sucitra

2007-12-23T22:05:00.001-08:00

Dene utamaning nata
Berbudi bawa laksana
Dene utamaning praja
Adilmakmur paramarta

ATASANGIN.—Sesarengan kaliyan Dekan FISIP Prof Dr Kumbayana, Dr Sucitra angadhep Rektor Universitas Atasangin Prof Dr Baratwaja.

BARATMADYA: Kagyat tenan kula maca serat panuwun sampean kanggo undur diri saka akademisi. Pripun, Dr Sucitra?

SUCITRA: Kula badhe gantos profesi.

BARATMADYA: Profesi apa?

SUCITRA: Politisi!

KUMBAYANA: Dadi politikus? Nah, hahaha… hebat! Utopia sing nyeneh banget! Nanging, apa wis sampean pikirke tenan? Sampean kuwi mung teoretisi ilmu sosial politik, sanes praktisi. Bisa apa?

SUCITRA: Justru kuwi! Kula badhe migawe politik praktis. Ing jagat akademisi boten wonten kasempatan kangge dados politisi. Kula butuh kamardikaning politik, sanes hamung kamardikananing mimbar!

BARATMADYA: Apa ana?

SUCITRA: Wonten ing mancanagari! Kula badhe emigrasi menyang negari ingkang mikul dhuwur demokrasi.

BARATMADYA: Atasangin ugi negari demokrasi. Arep nang endi maneh sampean goleki demokrasi?

SUCITRA: Hmh! Demokrasi Atasangin semu-feodal! Kula badhe menyang Pancala. Ing negari punika nuju wonten suksesi. Presiden Pancala Jendral Gandabayu badhe midamel suksesi demokratis.

KUMBAYANA: Apa iku?

SUCITRA: Sinten kemawon saged dados presiden Pancala, temtu upami gadhah power ingkang sagah nandingi Jendral Gandamana.

KUMBAYANA: Nah, hahaha… power apa piyandelan sampean? Power Wagon, Power Metal, Power Slave? Nah, hahaha… apa coba? Teori? Gombal! Teori handal kaya apa wae mung ana nang wacana, lan kabeh wacana pinisah saka realita. Luwih radikal malih, tan ana makna luwar saka wacana! Nah, Citra ra usah ngimpi! Realistislah! Minterke kahuripan bangsa luwih mulya tinimbang utopia. Nah, hahaha.…

SUCITRA: Nuwun sewu, Prof Yan! Kula ewuh pekewuh debat kaliyan sampean. Acuan teori kula benten. Kula sapanemu kaliyan Michel Foucault! Wacana lan kuwasa boten pinisah saking realita. Punika prelu bukti! Prof Dr Baratwaja—kula nyuwun pamit!

BARATMADYA: Iyo-iyo, sing ati-ati!

SUCITRA: Permiyos, Prof Yan.

KUMBAYANA: Iya-ya, muga-muga sukses! Upama ana hasile, kula pokoke melu. Nah, hahaha… good bye!

SUCITRA: G’bye!

Sigra Sucitra
Menyang Pancala
Sayembara Pancala
Lawan Gandamana

PANCALA.—Presiden Gandabayu nimbali Menhankam Jendral Gandamana kangge ngarembag suksesi.

GANDABAYU: Pripun, Jendral Gandamana? Taksih durung ana sing sagah nandingi sampean?

GANDAMANA: Dereng, Pak! Nanging wonten malih jago ingkang enggal. Dr Sucitra saking Atasangin, pakar ageng ilmu sosial politik, lan … bujangan! Huahaha… sumangga majeng, Dr Sucitra.

SUCITRA: Matur nuwun!

GANDABAYU: Pun ngertos aturan sayembara iki? Air-war, duel gegana! Upama bisa nandingi kepiawaian perang-gegana Jendral Gandamana, sampean duwe hak diangkat dadi presiden Pancala lan duwe hak ngelamar putriku Dewi Gandawati.

SUCITRA: Hah?

GANDAMANA: Huahahaha… usah kaget! Mosok arep adutinju? Kuna! Ayo adulaga ing akasa! Sampean saged milih pesawat tempur ingkang sampean remeni.

SUCITRA: Mati aku! Inggih, kula cobi.

GANDAMANA: Sumangga!

Tandang gonera
Sang Gandamana
Sedaya warga
Nonton laga

PALAGAN.—Jendral Gandamana jumangkah gagah mlebet pesawat tempur supermewah. Dr Sucitra ngungun! Sayembara punika boten kagraita dening panjenenganipun. Pengalihipun namung kisenan teori politik, boten kenal strategi perang. Badhe mundur perang, wirang! Ketimbang wirang, mendingan perang.

“Ayo, Sucitra!”
“Ayo!” (Blaas!)

Pesawat sakloron
Kebat anggegana

“Hidup, Jendral Ganda!” “Hidup! Hidup!” (Prok! Prok! Prok! Suit-suit!) “Wah, nekad!” (Teet!) “Slomprete, Mas—budheg ki!” Toeet! “Diancuk!” (Buk!) “Adoow!” (Bruk!) “Rasake kowe!”
“Sst! Brisik!”
“Caaang-kacaaang! Kacang, Om?” “Ora!” “Rokok, tisu, Getsbi!” “Ora!” (Jdak!) “Aduh, asu! Ora tuku, ninju!”
“Hahaha…!” (Duut!) “Kentut meneh kon!” (Hfuh!) “Dhasar!”
“Meneng! Ribut ae! Eh, totoan yo?” “Oke, aku njagona Om Ganda!” (Cplek!) “Siplah! Aku, Om Goen!”
“Lho!” “Heheheh…!”
(Zoss!) “Luput” (Blar!)
(Plas!) “Kena!” (Glar!)

Pesawat tempur
Sucitra ajurmumur

“Mampus deknen?”
“Mbuh la ya!”

Gandamana jaya
Jago sayembara
Ganti kang cinarita
Tandha gara-gara

KARANG KABOLOTAN.—Atis angin semilir ing perenging wukir. Pucuk gunung kinemulan pedhut peteng lelimengan. Saking umah alang-alang ngumandang tembang. Tembang panglipur wuyung! Panakawan padha gegojegan lan jejogedan.

Wayang mana, wayang mana?
Wayang eta nu pang jagona
Hayang mana, hayang mana?
Hayang eta nu pang gedena

“Ehm, brr… atis! Mbebedhag kewan ing alas kaliyan Pak Pandu, apes aku! Piyambake nemu sing gedhe-gedhe terus; aku mung oleh sing cilik-cilik.”
“Yo mesthi, Truk! Piyambake ngangge bedhil; kowe mung nganggo bandring. Beda!”
“Ahihi… tradisionil!”
“Ora bakal isa nyaingi Pak Pandu: perangkat modern! Alat luwih kuwat ketimbang bakat. Nadyan bakat hebat tanpa alat temtu telat. Kulina sarwa santai, ya nerimo. Budaya statis arep ngelawan budaya dinamis. Ora bakal isa?”
“Iya-iya! Romo endi?”
“Kambi Pak Pandu!”
“Nyang kana, yo?”

PANDU: Kula raos prei kula sampun cekap, Ki Semar. Ayo menyang Astina.

SEMAR: Inggih, Pak!—Ayo, Le!

“Asiiik!” “Sip, Mo!”

Pandu lan Panakawan
Lumampah awukiran
Tunjang malang
Perang kembang

ALASAMAR.—Pandu Dewanata aben begalan pati. Rintang-halang dipun tarajang. Para panyerang salangtunjang. Tinggalglanggang!

“Bah, keparat! A-adhepi a-aku Gendir Penjalin!”
“O, Cakil—antem, Gong!”
(Pletak!) “Aduh!” (Cpret!) “Rasake!” (Bletak!) “Wadow! M-mati a-k-u….” (Bluk!) “Hehe… ngono thok! Ki maneh!” (Cpret! Thaak!) “Waaw… bandringmu kena aku ki, Gong! Ngawur kowe!” “Hehe…!”
“Babo-babo! Pragalba, Rambutgeni, Padasgempal, Jurangrawah, Buta Terong, Galiuk—serbu!" (Jlap! Jlap! Jlap! Jlap!)
(Plas!) “Untalen kae bom!”
(BLAARR!)

Para Buta
Pada fana
Katon wonten tiyang
Ingkang kumlayang

“Eh, delok, Truk! Kae!”
“Hah? Parasut tiba!”

Panakawan
Padha playon

PANDU: Sampean sinten?

SUCITRA: Kula Sucitra. Haduh… untung kula slamet! O iya, sampean sinten?

PANDU: Kula Pandu lan iki Ki Semar. Kenapa sampean dhawah ing riki?

SUCITRA: Yeah… kula kalah sayembara. Sialdangkal! Kula boten sagah nandingi kapiawaianipun air-war Jendral Gandamana saking Pancala. Piyambakipun luwarbiasa tenan!

PANDU: O, memang! Punapa malih upami ngangge jet tempur Wungkalbener, boten wonten ingkang sagah nandingi panjenenganipun. Punika kakiatanipun Pancala! Nanging upami sampean kersa. Kula saged mbyantu.

SUCITRA: Hah? Nanging—?

SEMAR: Em, hahahah… boten sah samar, Pak Citra! Jendral Pandu Dewanata punika Presiden Astina, ahli polemologi pakarakbar budaya tempur.

SUCITRA: O, mekaten!

PANDU: Tandingan jet tempur Wungkalbener punika namung jet tempur Narantaka. Punika logika perwira. Nanging kaprawiran prelu disarengi kasantikan. Tempur sanes amung aduatos-adujotos, nanging ugi aducerdas. Modernitas Pancala hamung saged tinandingan posmodernitas. Elinga Powershift Toffler, lan War and Anti-War saged dipunrujuk.

SUCITRA: Wah, kawiryan boten ucul saking kawinasisan. Keliwat angler kula keturon wontening menaragading politik, lena saka realita, urip sajeroning utopia. Bungah manah tenan kula tinemu Jendral Pandu Dewanata.

PANDU: Bekta jet Narantaka. Muga-muga sukses! Sigra tumindak!

SUCITRA: Matur nuwun!

Kebat Narantaka
Melesat anggegana
Samenika Sucitra
Digdaya ing akasa

PANCALA.—Dr Sucitra menang! Sarampungipun sayembara panjenenganipun dipunanugerahi pangkat Jendral, dhaup kaliyan Dewi Gandawati, lan dipunlantik dados presiden Pancala. Samenika Dr Sucitra ajejuluk Jendral Drupada, lan wontening kaprajan, panjenenganipun saluyu menawi Jendral Gandamana dipunangkat dados Wapres.

Petik kembang sinebaran
Tutup lawang singgotaka

Semarang, 24 Desember 2007 Ki Harsono Siswocarito

Sang Hyang Segara Rekayasa

2007-12-22T20:19:00.000-08:00

Dian sembah nireng hulun
Kang akarya jagat triloka
Pujiku kangge ki pujangga
Kang angagungaken hulun

ASTINA.—Para Kurawa nuju imbal wacana sareng Jendral Baladewa, Presiden Mandura, ngarembag masalah musibah negara.

DURYUDANA: Dewan sidang ingkang minulya! Luapan samodra, musim ngijih ingkang salahmangsa, udanlisus, banjirbandang, kados bade nguntal jagat dados malabencana global. Menapa iki ugi dugi negara Mandura?

BALADEWA: Iyo—sami! Malah kathah daerah ingkang ilang tinalang samodra.

KARNA: Kados mekaten ugi wontening Propinsi Awangga! Nelayan dados korban! Wisata bahari mati! Bubarambyar nang endi-endi.

DURYUDANA: Apa sabenare panyebab malabencana iki lan piye cara mandeganine?

SAKUNI: Nuwun sewu, Pak! Kadosipun Prof Durna gadah pamanggih ingkang otentik sareng strategi pamecah masalah ingkang jitu.

DURYUDANA: Inggih, Prof Dur—sumangga minggah dateng mimbar.

DURNA: Nah, hahaha… matur nuwun! Pakarakbar boten prelu wara-wara teng mimbar! Tut wuri handayani! Nah, hahaha… pirsani kemawon dewan sidang ingkang minulya—boten mung Astina, Mandura, Awangga ingkang ketiban malapetaka, malah dumugi Bangladesh. Luwih nggegirisi! Nah, miturut cara teoritis—wonten akibat, wonten sebab! Sedaya memala namung akibat saking satunggil sebab. Gumulunging ombak samodra, jawahlisus, banjirbandang, malah wukir es wontening kutub bumi kekalihipun sampun encercoer—sedaya menika lantaran padamelanipun tiyang ingkang bonten perduli maring kalestantunanipun lingkungan kahuripan. Oknum ingkang boten tanggel jawab!

BALADEWA: Krrk-cuah! Oknum keparat! Sinten, Prof?

DURNA: Miturut tilikaning ngelmu panemu, sedaya menika akibat padamelan-ipun si Antasena ingkang nembe migawe eksperimen ing telenging samodra.

BALADEWA: Krrk-cuah! Laknat si Antasena!

KARNA: Maksadipun?

DURNA: Lantaran piyambakipun Kasal Amarta, pinasti gadah tujuan politis. Demi kejayaanipun bangsa Pandawa! Piyambakipun melik dados pangawasa samodra lan ngaken ajejuluk Sang Hyang Segara Rekayasa.

BALADEWA: Apa? Sang Hyang? Krrk-cuah! Edan! Si Antasena gendheng! Apa julukan iku ana teng kitab, Prof?

DURNA: Ah, boten wonten! Sedaya pustaka sapun kula waca. Pustaka Universitas Sokalima dumugi Universitas Atasangin sampun kula pirsani. Saking kitab kuno model Tantu Panggelaran, Kitab Manik Maya, Kitab Paramayoga, Kitab Kanda, Kitab Sudamala, Kitab Nawaruci, Kitab Gatutkacasraya, Mahabarata, Ramayana, dumugi kitab sanesipun—boten wonten gelar Sang Hyang Segara Rekayasa. Sang Hyang gadungan! Palsu!

DURYUDANA: Umapi ngaten, gagalke eksperimen si Antasena, cekel lan adili!

SAKUNI: Upami Amarta rumeksa?

DURYUDANA: Serbu!

“Cocog! Cocog! Cocog!” + “Ziplah!” + “B-beres!” + “OK!” + “Hidup Kurawa!” + “Hidup! Hidup! Hidup!”

BALADEWA: Krrk-cuah! Pas!

DURYUDANA: Sae, Jendral Baladewa—sumangga pasukan multinasional dipunpimpin. Lan Letjen Karna sageda mimpin pasukan Parakomando Astina.

BALADEWA: Sendika!

KARNA: Sendika!

“Pasukan Parakomando Operasi Samudra—sigra tumindak! Lapor: Dursasana, Dursala, Dursata, Durmuka, Durkarna, Duradara, Durwigata, Durmagati, Kartamarma, Kartipeya, Citragada, Citramarma, Citrakandala, Citrayuda, Citraksa, Citraksi, Adityaketu, Bimabahu, Dirgabahu, Dirgalacana, Dirgarama, Dredarata, Drepasastra, Drestahasta, Drepayuda Drepawarman,—siap bergerak!”

“Laksanake!”
“Sendika!”

Pabaratan samodra
Sigracekel Antasena

DASAR SAMUDRA.—Zona teritorial Amarta.

(BLAARR!)
“Krrk-cuah! Ranjo laknat!”
“Awas kapal slam!”
(BLAARR!)

ANTASENA: Hmh, Kurawa—aja ngarep-arep bisa ngobrak-abrik hankam Amarta. Submarine Antaboga karyarekacipta Prof Dr Antaboga sanget handal. Aku Sang Hyang Segara Rekayasa lagi gawe eksperimentasi nang Sea-Lab Oceanoculture demi masa depan bangsa. Sapa wae ora oleh mlebu nang Sea-Lab iki.

Gara-gara
Bumi gapai
Laut badai

TUMARITIS.—Ing sajeroning dukamala dunya, Panakawan pada jejogedan lan gegojegan.

“Excuse me, I’m Petruk Swayze. Dear Readres—how are you today? Fine? OK, so am I. Hehehe… caritane udan ki: telesgebes, bocorngombor, beceknelecek! Ehm… Yun, Ren, Sis—lagi apa? Ngeceng wae! Kapan mejeng maneh nang Matahari? Gantian! Ngampus kek, hehehe… piye kae Wayang Kampus? Hura-hura wae! Omonge: aktivis! Ngilmiyah kek, hehehe… rak nyeni ah!”
“Ngomong karo sapa, Truk?”
“To my fans, of course!”
“Huh, sok top! Sok pop!”
“Hehehe… yo ben to! Eh, Gareng endi? Bang, si Gareng Mbeling wis digarap durung? Cepet arep ditanggap ki! Arep show—aja mung si Bagong sing in action. Bosen!”
“Sentimen kowe, Truk!”
“Mesti! Lha, kae si Gareng! Rene, Reng! Where’re ye from?”
“Show-biz!” + “Show off!”
“Zow, ngerti? Gak kaya kon: ngeceng wae. Rak peye-peye!”
“Enak ae! Nang kono aku observasi: neliti perilaku budaya konsumerisme demi antisipasi bisnis masadepan. Asik, ra?”
“O dhasar Bagong Urban!”
“Wis! Pak Jun mrene kae!”

ARJUNA: Kang Semar—Laksamana Antasena mesti dipadosi. Lami piyambakipun boten lapor menyang Amarta.

SEMAR: Mangga, Pak.

Arjuna lan Panakawan
Lumebet dalan awukiran

“E-e-babo-babo… Gog—ana p-pangalasan Pringgadingacala. S-sapa, Gog?
“Sst! Jendral Arjuna!”
“E-e-babo-babo… s-serbu!”—(Clap!)—“C-ciaat!”—(Dez! Zplak! Deb! Bugh!)—“Hugk-khoeekh uhuooo… m-mati a-aku, Gog!”—(Bruk!)
“Cakil mati, Lung!”
“Ben ae, Gog!”
“Grr-babo-babo, keparat! Adhapi aku Dityakala Badaisegara! Heh, konco-konco: Pragalba, Rambut Geni, Padas Gempal, Jurangrawah, Buta Ijo, Buta Terong, Buta Endog—ayo keroyok si perwira keparat iki!”
“C’mon!” + “OK!” + “Move!”
“Siji, loro, telu! Ciat! Ciat!
Ciiaatt!”—(Blaarr!)—“Aduh! Ahk! Khk! Klk!”—(Blug! Blug! Blug!)
“Zuilah! Mampuz zedaya!” + “Benal! Ayo mlayu, Mas!”
(Jleg!)—“Mandheg!”
“Zapa kon? O yez! Kenalin—aku Mr George! Yez, Mr Joz!”
“Busyet! Lumayan keren ugi ki Buto—nganggo aran beken segala! Kowe kalah, Reng.”
“Em… kowe sapa, Pelo?”
“Mistel Gabliel! Ayo minggat ah! Usah ngulusin cah ola kaluan!”—(Bugh! Bugh!)—“Adow! Main pelmak lagi! Blantem-blantem, tapi spoltif! Ngawul ngoe!”
(Dor-dor!)—“Beres, Gong!”

Buta-buta mala
Padha sirnafana
Gentur tutur
Mangun catur

SEA-LAB OCEANOCULTURE.—Laksamana Antasena ingkang ajejuluk Sang Hyang Segara Rekayasa gawe gegergetering jagat lantaran nemu Sistem Hankam Dasar Samudra, sareng Oceanomigration demi mandegani masalah kepadetan penduduk masadepan ngangge ngarekacipta Gedung Pencakar Laut. Eksperimentasi fantastik kadhos menika nyebabaken pro lan kontra wontening sedaya penjuru dunya. Boten gaib-gumaib upami Girinata, Presiden Sorgaloka, tumurun saking kayangan.

GIRINATA: O Jagat Dewa Batara! Antasena—lerenana eksperimen sira! Aja ndhisiki karsa! Lan copoten gelar Sang Hyang sing sira enggo.

ANTASENA: Nuwun sewu, boten saged! Eksperimen boten saukur sok keminter. Gelar boten kangge gagah-gagahan! Punika kangge kahuripan.

GIRINATA: Babo-khhk-cuah! Kurang ajar! Apa sira ora wedi marang ingsun lan pasukan multisemesta saka Jagat Triloka?

ANTASENA: Nuwun sewu, Gusti! Boten!

GIRINATA: Keparat! Cekel!

“Sendika! Indra, Bayu, Brahma, Wisnu, Surya, Sambu, Kamajaya, Yamadipati,
Temboro, Trembuku—sigra candhak si Antasena!”
“Sendika! Sendika! Sendika! Sendika!”
(BLAARR!)
“O Jagat Dewa Batara!” + “Mundur! Bayu Mundur!”
“Bergenzong-padha-ndoyong, si Antasena ora isa ditalukake! Bener-bener gagah
megadigdaya sira! Cilaka! Iki urusan Ki Semar, Adhi Guru!”
“Lha niku Ki Semar!”

SEMAR: Wonten menapa, Gusti? Bakutempur kaliyan Pak Antasena kadhosipun. Nuwun sewu, Maha Sang Hyang! Demi pranataning jagat—Sang Hyang Segara Rekayasa saleresipun obahmosiking pangawasa Sang Hyang Wenang. Nah, Pak Antasena—tugas sampun tamat! Wenang nyipta, Wenang ngarekayasa, Wenang miara. Mekaten napa mboten, Maha Sang Hyang?

“Perkara LBH—romo pakare!”
“LBH apa ta, Truk?”
“LBH: Lakon Bangsa Hyang.”

SANG HYANG WENANG: Ki Semar bener! Manggayuh karahar-janing praja, memayu-hayuning bawana.

Pinetik kembang sinebaran sari
Tutup lawang sigotaka. Merdeka!

Semarang, 22 Desember 2007 Ki Harsono Siswocarito

Sang Hyang Mayadewa

2007-12-19T22:56:00.000-08:00

Sri tinon ing pasewakan
Busana manekawarna kebak
Puspiteng udiyana miyang
Hanjrah sarwa rukma …

ASTINA.—Para punggawa Kurawa nuju angglarakeun rembagan ageng, kangge mandegani krisis Kurusetra.

DURYUDANA: Dewan sidang ingkang kinurmatan! Krisis Kurusetra sampun dados krisis dunya ingkang kedah dipun pandegani ngangge cara global saderengipun dados Perang Dunya Baratayuda. Kangge kajayaan Kurawa, sidang punika dibuka. Sugeng rawuh katur Jendral Baladewa.

BALADEWA: Iyo, nuwun! Huahahaha… nuwun sewu, kula telat prapta. Maklum—sibuk! Kathah urusan dalem negari. Kanggo ngarataake pembangunan! Huahahaha….

SAKUNI: Hehe… sami! Malah Astina samenika nuju gotongroyong ngajagi katentermaning jagat. Nyegah PD III Baratayuda! Mekaten, Prof?

DURNA: Leres! Nah, pramila Kurawa prelu matrapaken strategi politik mancanegara ingkang jitu! Menang tanpa perang! Nah, hahaha….

DURYUDANA: Tepat, Prof Dur! Minangka mahaguru kebak-elmu canggih-teori sugih-pustaka temtu sampean sagah asok strategi jitu!

DURNA: Nah, hahaha… temtu, temtu! Durna sanes saukur profesor tampang, sanes profesor pangkat, nanging mahapakar sarwa pinter, mahaahli multicanggih!

BALADEWA: Krrk-cuah! Aja dumeh! Buktike, Prof!

DURNA: Sae! Saluyu sareng elmu panemu, dhasar kakiatanipun hankam Amarta punika wontening kamanunggalan Pandawa sareng Panakawan. Menika manunggalipun aparat sareng rakyat! Nah, kanggo gawe ajurmumur kakiatan punika—culik Semar! Sandra! Upami prelu, pateni!

KARNA: Mengka ta, cara kadhos punika ngalanggar hak-hak azasi manungsa. Kula boten saluyu!

SAKUNI: Tenang, Bapa Gubernur Awangga! Kabijakan punika wontening kawasanipun Presiden Duryudana decision-maker.

DURYUDANA: Hmh, saluyu! Pripun, Jendral Baladewa?

BALADEWA: OK!

DURYUDANA: Sae—Brigjen Dursasana, siapke Operasi Panakawan. Sandra Semar!

DURSASANA: Ait! Sendika dhawuh! Huaha… e-e-e, permiyos!

“Katur sedaya wadyabala! Punika daftar perwira ingkang pinilih kangge Operasi
Panakawan: Dursala, Dursata, Durmagati, Durmuka, Durkarma, Durwigata, Duradara, Kartamarma, Kartipeya, Citrayuda, Citra-marma, Citrakandala, Citraksa, Citraksi, Citragada, Drepayuda, Drepawarman, Drepasastra, Dredarata, Ugrasewa,
Drestahasta, Adityaketu, Bimabahu, Dirgarama, Dirgabahu, Dirgalacana…!”
“Hinggih! Hinggih! Hinggih! Hinggih!”

Lampah kebat
Siap ngembat

Waspada Gatotkaca
Perwiratama gegana

TAPAL BATAS, AMARTA.—Pesawat tempur Krincingwesi mabur dhuwur mapak mega jumantara!

“Hmmm… Keparat Kurawa! Adhepi dhisik Angkatan Udara Amarta!"—(Plas! Plas!
Plas!)
“Awas bom! Tiarap!”
(Blar! Blar! Blar!)
“Krrk-cuah! Kapal laknat keparat! Wani njegal pasukan Astina—rasake ki!”—(Dreder-der-der!)
“Break, Divisi Jangkarbumi, Marsekal Gatotkaca butuh bantuan Angkatan Darat Amarta, over!”
“Well, Kolonel Antareja sayagi ngabantu—”
“Kontek Laksamana Antasena!”
“Sendika!”
(Blar! Blar! Blar!)

BALADEWA: Krrk-cuah! Gawat!

KARNA: Dur, Dir, Cit, Karta… mundur! Mundur!

BALADEWA: Krrk-cuah! Pripun, Prof?

DURNA: Abot, tinimbang ajurmumur, sae mundur kemawon. Ganti taktik diplomatik! Kula bade nepungan Gubernur Arjuna teng Madukara.”

DURSASANA: Sae! Ati-ati, Prof!”

DURNA: Sae, permiyos!”

Kebat lumampah Prof Durna
Tumuju menyang Madukara

MADUKARA.—Jendral Arjuna nyambut dongkapipun Prof Durna.

ARJUNA: Sugeng rawuh, Prof.

DURNA: Nuwun! Minangka duta Astina kula tinutus dening Presiden Duryudana kangge ngrembag babagan krisis Kurusetra. Kangge nyegah perang Baratayuda, demi katentremaning jagat, Astina nyuwun Amarta masrahake Semar.

ARJUNA: Kangge menapa, Prof?

DURNA: Bade dipun angkat dhadhos sesepuh Astina! Nah, lamun boten kabotan, sigra aturne Semar menyang Astina.

ARJUNA: Sae! Peteduh rama guru kula laksanake.

DURNA: Nah, hahaha… mangga!

Bumi gonjang
Langit gonjing

GARA-GARA—Taktiklicik konflik politik kobaran genipati. Tumaritis kena wabah sarakah getih epidemi.

Suwe ora jamu, Mas
Jamune godong telo
Suwe ra ketemu Mas
Lho kok malah bodo

“Welah, Gong—kuno! Ra maju-maju! Seni kudhu dhuwe ciri mandiri, kudhu khas,
dhudhu klise!”
“Penting duit—Anjing!”
“Wobat! Kena wabah dokuisme, idealisme seni luntur!”
“Ben—Bangsat!”
“Wis, wis! Ribut wae! Isin kae lho ana sing nonton.”
“Sendika dawuh, Kaka Prabu—”
“Wis—Anjing! Aja ndalang edan ngayawara!”
“Hihi… ben wae, omongan wayang kepenak ki. Nek aku dalang!"
“Ngapa?”
“Arep ngelandhi aran dhadhi Bagong De Vito—hihihi….”
“Busyet! Tak kira apa?”
“Eh, kae ana Jendral Arjuna!”

ARJUNA: Sampurasun!

SEMAR: Rampes, Jendral Arjuna, mangga teng lebet.

ARJUNA: Niwun. Kang Semar, kula nyuwun kasagahan jenengan dhadhos duta katentreman Amarta ing Astina. Saiki sampean kedhah mangkat sareng Prof Durna.

DURNA: Leres, Ki Semar!

SEMAR: Sae, mangga—Le, jaga desa!”

“Beres, Mo!”

Kocap kacarita Prof Durna
Lan Semar menyang Astina

ASTINA.—Wontening kunjara jero lemah Semar dipidana. Sanes dhadhos duta piyambakipun, namung katula-tula tanpa kawasa tanpa daya tanpa upaya.

“Aduh, Gusti! Waleh-waleh menapa noda, dosa, cela, atawa mala ingkan kula pidamel, nganti nglampahi nasib kadhos iki?”

Duka daku dikau daki
Dikau duka daku daki

“Hey, Kurawa! Semar ilang tanpa karana saka kunjara!”
“Krrk-cuah! Bangsat! Sapa sira?”
“Aja kaget, Kurawa! Kula Sang Hyang Mayadewa sing wis mbebasake Ki Semar Badranaya.”
“Dur, Cit, Karta—cekel!”
“Sendika! Sendika! Sendika!”
(Clap!)—“Ciaat!”—(Jder!)—“Ait! Pfuh!”—(Splak! Bugh!)
“Aduh!”
“Krrk-cuah! Keparat! Hiaatt!”— (Zplak! Dez! Bugh!) —“Heughk! Hoeekh ooo…!”
“Tingali kae, Dur! Jendral Baladewa diantemi nganti muntaber!”
“Krrk-cuah! Mlayu, Cit!”
“Oke deh!”

Kurawa keplayon
Kabur katawuran

Sang Hyang Mayadewa
Sigra menyang Amarta

AMARTA.—Jendral Arjuna nyadhong suaka.

YUDISTIRA: Wonten menapa, Jendral Arjuna?

ARJUNA: Cilaka! Kula dilurug mahajaksa ingkang ngaken Sang Hyang Mayadewa.

BIMA: Hmh, Apa sebabe?

ARJUNA: Kula sampun masrahaken Kakang Semar menyang Astina selaku duta katentreman, nanging piyambakipun murca.

KRESNA: O, pantes!

“Heh, Arjuna! Aja sambat keparat! Najan mlayu menyang luwar tata jagat pramudita, sampean ora bakal bisa bebas saka tuntutan Mahajaksa Sang Hyang
Mayadewa!”

ARJUNA: Nyadhong belanipun kula.

KRESNA: Sae, pun kakang sing ngadhepi!

“Babo krrk-cuah! Wong ireng jlitheng, arep apa sira?”

KRESNA: Nuwun sewu, Mahajaksa—Arjuna saged kadakwa, upami wonten bukti kasalahanipun. Nanging Amarta punika negari hukum ingkang mikuldhuwur azas praduga tanpa salah. Nah, mangga dipun rembang ing pangadilan.”

“Aja kakehan kakekane! Arjuna melu-melu nipu tanaga kerja, nyalahgunake jabatan, ngomplot karo Kurawa kanggo njelomprongke Ki Semar Badranaya.”

KRESNA: Sae, kesaksian panjenengan saged dipun jelentrehaken ing pangadilan. Panjenengan saged nuntut Jendral Arjuna! Menapa panjenengan warga Amarta?”

“Iya! Iki KTP ku!”

KRESNA: Eladalah! Kakang Semar?

SEMAR: Leres, Sinuwun! Sang Hyang Mayadewa namung aran samaran!”

KRESNA: O!

SEMAR: Uhahahahah… sampun, nDara Kresna. Kahilafan Jendral Arjuna kula hapunten! Kula bade teras wangsul ka desa Tumaritis. Permiyos!”

KRESNA: Mangga, nderekaken, Kakang Semar!”

Semarang 20 Desember Ki Harsono Siswocarito

Artikel

2007-11-29T22:23:00.000-08:00

Sastra pedhalangan mangrupi rekabasa sastra sing diangge para dhalang neng pakeliran. Jenis sastra pedhalangan saged diperang dados wolung perkawis, yaiku suluk pelungan utawi murwa, janturan utawi nyandra, pocapan, suluk, ginem utawi antawacana, lelagon, swara, lan carita.

Suluk

Suluk pelungan utawi murwa mangrupi suluk bubuka pakeliran sing ditembangke ki dhalang neng wiwitan pakelirane. Pelungan kalebet salah sawiji jenis puisi pedhalangan. Suluk pelungan dados ciri khas pedhalangan Jawi Wetanan, lan suluk murwa dados ciri khas pedhalangan Jawi Kilen. Pedalangan Jawi Tengah boten ngangge suluk pelungan utawi murwa, bubukane ngangge janturan jejer. Conto suluk pelungan Jawi Wetanan ing ngandhap niki pinetik saka "Serat Wewaton Padhalangan Jawi Wetanan" anggitan Soenarto Timoer:

Sun miwiti andhalang. Wayangingsun minangka bambang paesan, kelire jagad dumadi, larapan naga papasehan, pracik tapeling jagad gumelar, yana drojog sangga
bawana. Ligan rajeg wesi, blencong kencana, urube luber kadya Hyang Bathara Surya, Kothaking wayang kayu cendhana sari. Tutuping dhuwur kadya kusuma, kepyake gelap angampar....

Jenis suluk liyane sendhon, gregetsaut, lan ada-ada. Sendhon menika suluk kangge nggambaraken kahanan sedihing ati. Gregetsaut suluk kangge nggambaraken muntabing ati. Ada-ada suluk kangge mggambaraken kahanan ingkang mirisi.

Janturan

Janturan mangrupi paparan cerita ngangge basa prosa utawi gancaran dhalang kangge nyariyosake jejer utawi adhegan siji negari, kahanan panggonan, watek wayang, lan perkawis sing dirembag ngangge iringan gamelan. Conto janturan ing ngandhap kapetik saking "Janturan lan Pocapan Ringgit Purwo" ingkang kahimpun dening Anom Sukatno:

Swuh rep data pitana. Hanenggih negai pundi ta ingkang kaeka adi dasa purwa. Eka marang sawiji, adi linangkung, dasa sepuluh, purwa marang wiwitan. Sanadyan kathah titahing dewa ingkang sinangga ing pertiwi, kinasongan ing akasa, kinapit samodra racak sami anggana raras, nanging datan kadya ingkang ginupit ing dalu mangke, ingkang sinebat Negari Hastina, inggih Gajahoya, Limanbenawi....

Pocapan

Pocapan mirip sareng janturan nanging boten ngangge iringan gamelan, namung ngangge iringan dhodhogan cempala. Conto pocapan ing ngandhap kapetik saking "Serat Pedhalangan Lampahan Wirotho Parwo" anggitanipun Ki Purwadi:

Lah ing kana ta wau, samya geder bantah binantah katungka praptaning nalendra Trigarta, Prabu Susarma ingkang minggah ing Sitihinggil nagari Ngastina tranyak-tranyak pindha sata ngupadi boga.

Antawacana

Antawacana utawi gineman, yaiku caturan wayang neng sajeroning adhegan. Antawacana sami kaliyan dialog neng drama, bentene dialog drama dicaturake tiyang kathah, nanging antawacana dicaturaken dhalang piyambak. Kangge antawacana wayang, dhalang kedhah saged ngolah wanda swarane supados benten kaliyan caturan wayang-wayang piyambak-piyambak. Bentenipun wanda swara wonten ing basa lesan; kangge basa tulis dipun bentenaken ngangge nami wayang lan logat caturan tulisane.

KRESNA: Eladalah, Yayi, Yayi Setiaki.
SETIAKI: Kula nun.
KRESNA: Kakang Patih Udawa.
UDAWA: Lo, lo, lo, Hahahah… pun kakang Patih Udawa.

Lelagon

Lelagon mangrupi tembang sing biasane ditembangke Pesindhen utawi waranggana lan wiraswara. Nanging lelagon ugi kalebet rumpaka dhalang yaiku, lelagon sing diangge neng limbukan utawi dagelan. Panakawan biasane guyonan sareng lelagon. Sekar-sekar sing kulina diangge neng gara-gara kathah jenise, wiwit saka sekar-sekar klasik ngantos lagu-lagu modern.

Swara

Saliyane suluk, janturan, antawacana,lan lelagon, sastra pedhalangan ugi ngangge swara kangge nyarengi sabetan neng adhegan bandayuda okol begalan pati. Swara saged mangrupi sautan, adhuhan, lelaran lan onomatopia. Swara neng adhegan bandayuda pakeliran wayang dados luwih rame lantaran diiringi ngangge gamelan sing saluyu kaliyan adhegane. Ewadene swara neng basa tulis saged ngangge teknik tatatulis komik. Conto swara basa tulis neng andhap dicatet saka Lakonet garapan Ki Harsono Siswocarito:

“Khhk-cuah! Buta edan!”—(Clap!)—“Ciiaatt!”—(Jder!) Adujotos atos!
(Bet!)—“Hih!”—(Dez! Dig! Bugh!)—“Hegkh!”—(Bruk!)
“Ayo ngadheg, Dewa!” +
“D-du-uh… tob-ba-at….”
Didupak galak! (Brak!)—“Aakkhh!”
“Ayo maju,
Dewa!” + “Wani karo Brama?” + “Brama? O, iki jago Deksinapati: Dewa api kok
kakubeku? Ayo maju! Heaah!”—(Clap!) Serbutinju (Bugh!) dupakgalak
(Blak!)—“Rasakena dewa—heaah!”—(Blar!) keplaktelak! “Tobaatt!”

Carita

Carita sastra pedhalangan saged kaimpun ing carita pakem, gubahan, lan carangan. Carita pakem yaiku carita sing saluyu sareng kitab-kitab pawayangan kados Mahabharata, Ramayana, Pustaka Rajapurwa, lan liya-liyane. Carita gubahan yaiku carita ingkang sampun dipun rekacipta saluyu sareng jamane. Carita carangan mangrupi carita gagrag anyar sing anggitane saluyu sareng sastra pedhalangan gagrak anyar.

Tamtu sastra pedhalangan luwih maneka warna. Ing Tatar Sunda wonten Wayang golek gaya Bandung, gaya Bogor, sareng gaya Cirebon. Ing DKI wonten gaya Betawi. Ing Jawa Tengah wonten wayang kulit gaya Surakarta, gaya Yogyakarta, sareng gaya Banyumas. Ing Jawa Timur wonten gaya Jawi Wetanan. Ing luwar Jawa, wonten wayang kulit gaya Bali, gaya Banjar neng Kalimantan, gaya Sasak neng Nusa Tenggara. Sedaya punika dados tandha kabinekaanipun sastra pedhalangan Indonesia.

Lakonet Jawa

Lakonet gabungan saka tembung "lakon" lan "internet" gawean Ki Harsono Siswocarito. Lakonet mangrupi lakon-lakon wayang sing dipakeliraken ning kelirbeling utawi layarmaya internet. Lakonet disanggit ngangge kombinasi Sastra Pedhalangan mangrupi suluk (murwa, sendhon, gregetsaut, ada-ada) nyandra (janturan lan pocapan), antawacana (ginem), swara (omomatopia), lelagon (tembang), lan carita. Cariyos lakonet saka lakon-lakon wayang sing disanggit ngangge gagrak anyar. Lakonet lebet sawiji genre sastra elektronik saged ugi disebat wayang citra utawi wayang mediamaya. Salaku wayang gagrak anyar, lakonet saluyu sareng seni jaman informasi ning era globalisasi.

Rembagan
Teng niki kaula bade ngrebag babagan sastra pedhalangan sing dados konsep estetik Lakonet.

Murwa
Murwa utawi suluk bubuka teng inggil wau mangrupi gubahan saka sulu "Gumungan" ing Pedhalangan Sunda, nanging sampun dilauyuaken kaliyan lakonet sing ngangge "kelirbeling" utawi "layarmaya" kados:

Kelirbeling tabir Gusti
Tabire ya wong ngawayang
Wayang manut maring dalang
Dalange murba ing wayang
Kelire layarmaya Gusti

Nyandra

Nyandra utawi janturan ngangge tata tulis warta kados teng koran. Tempat jejer negari kanggo huruf ageng sedaya, lajeng diterasanken janturan.

MERCUKUNDA, SURALAYA.—Sang Hyang Pramesti Guru Jagatnata, ya Sang Hyang Otipati Pangawasa Jagat Triloka, linggih ing kursi Gading Gilang Kencana, dipunadhep dening para dewa, para batara, para sang hyang, para widadara, para hapsara sadaya warga Swargaloka.

Antawacana

Antawacana utawi ginem ngangge tata tulis drama. Jeneng wayang ditulis ngangge huruf ageng. Diterasaken caturan kados andhap niki.

JAGATNATA: Kakang Panji Narada, Kang—kados menapa kahanan ing Kahyangan iki? Kawah Candradimuka mangaladalad, magma murubmubyar, lindu kalabendhu geterbanter, Gerbang Selamatangkep padha retak, Istana risakporak. Prahara apa iki, Kang Panji?

NARADA: Aduh, Adi Guru—ampun sewu ampun. Sedaya menika gargara balamala raksasa saking negari Tunggulwesi kang dipunpimpin dening Jendral Nurkala Kalimantra. Piyambakipun nyuwun tahta swarga. Mekaten, Gusti Pramesti.

Swara

Swara utawi onomatopia neng adhegan sabetan bandayuda ogol begalan pati ngangge tata tulis komik. Sautan, adngluhan, lalaran, lan caturan neng sabetan ditulis neng jero tanda kutip. Swara onomatopia kados swara anteman, oncatan, lan tiban ditulis nang jero kurung.

“Kowe wani karo dewa?”
“Why not? Kowe jago, aku jago! Kowe lanang, aku lanang! Buktike: sapa luwih lanang, sapa luwih jagoan!”
“Khhk-cuah! Buta edan!”—(Clap!)—“Ciiaatt!”—(Jder!) Adujotos dados! (Bet!)—“Hih!”—(Dez! Dig! Bugh!)—“Hegkh!”—(Bruk!)
“Ayo ngadeg, Dewa!” + “D-du-uh… tob-ba-at….”
Dupak galak! (Brak!)—“Aakkhh!”

Lelagon

Lelagon sing wonten ing lakonet iki yaiku tembang "Lir Ilir" sing dicekak.

Lir ilir, lir ilir
Tandure wus sumilir

Carita

Cariyos lakonet niki mangrupi carangan amargi boten wonten pakemipun. Nanging pola cariyosipun saka cariyos Prabu Kalimataya sing mbedah Kahyangan nanging dipun pejahi dening Resi Manumayasa kados sing dikandhake Semar.

SEMAR: O, o, o… sapa mau? Nurkala Kalimantra! Pantes! Dheweke kuwi masih tunggal turunan karo raksasaraja Kalimataya sing mbedahbubrah Suralaya nanging ditumpastampis kambi maharesi nuklir Prof Manumayasa. Saiki ora ana jago jawata kejabi Jendral Arjuna.

Temtu lakonet punika namung salah sawiji conto kemawon ingkang mangke saged dipun kembangaken malih. Matur nuwun.

Prof Dr Bima Tanayatatwa

2007-11-29T02:32:00.001-08:00

Anjrah kang puspita rum
Kasliring samirana mrih
Sekar mekar manekawarna
Maweh bebungahing driya

ASTINA.—Rektor Universitas Negeri Sokalima Prof Dr Durna, Dirjen Dikti Prof Dr Krepa, lan Mendikbud Prof Dr Bisma padha angadhep Presiden Duryudana.

KREPA: Ingkang Minulya Bapak Presiden Duryudana, Bapak Mendikbud Prof Dr Bisma ingkang kunurmatan, Bapak Rektor UNS Prof Dr Durna ingkang dipun tresnani, lan para bala Kurawa ingkang kula remeni—sugeng enjang! Ing kasempatan menika kula sedaya sengaja angadhep Bapak Presiden bade ngaturaken wartos wontenipun Perguruan Tinggi Swasta Mandiri, Universitas Bayupitu, ing Kurusetra, ingkang rektoripun Prof Dr Bima Tanayatatwa. PTSM punika dados saingan ingkang sanget awrat kangge PTN Astina. Mekaten boten, Prof?

DURNA: Leres! Malah langkung awrat tinimbang menika, PTSM dados memala marang stabilitas nasional Astina amargi sampun ndadosaken kampus kangge ajang bisnis lan politik praktis.

BISMA: Hmh! Boten etis kampus dados ajang bisnis. Saged pelik upami kampus dados ajang politik.

DURYUDANA: Sebebaya niku, Prof Dur?

SAKUNI: Prof Dur! Prof Dur! Ngelamun! Gaji mundhak tasih nguyung-wuyung, gethirpikir, suntrutcemberut wae. Hehehe… wonten masalah pribadi ya, Prof?

DURNA: Ah, Pak Kun isa-isane. Durna sampun bebersih ati saka kapentingan pribadi utawi famili demi negari. Boten demi gaji! Urip Durna dipun darmabaktiaken demi kemajengan pendidikan. Hasilipun boten sia-sia—Sokalima saged nyethak kopral dugi jendral, ketua RT dugi direktur PT, apadene pejabat, birokrat, teknokrat, lan konglomerat. Nanging, tobat tenan! Menapa prelu PTN elite Astina ancur mundur? No way! Luwih becik PTSM punika ditutup! mBebayani!

KARNA: Nuwun sewu, Pak! Pendidikan menika hak azasi menungsa. Menapa malih, Universitas Bayupitu wontening wewengkon Amarta.

BALADEWA: Heh, Karno! Karno! Aja crewet! Kowe dadi gubernur mergo memo Bapak Pres Dur! Dadi pejabat mergo bojo! Munggah pangkat mergo katebelece morotuwo! Arep kokehan polah! Krrk-cuah! Rak ngerti ajining diri!

SAKUNI: Hehehe… Astina boten ngakeni kedaulatan Amarta. Kapentingan Kurawa langkung utama! Pak Karna kedah mafhum.

DURNA: Nah, hahaha… cocok! Lajeng, awonipun PTSM sampun ngelairaken jenis profesor slebor, lektor door to door, asisten impoten, ilmuwan asongan, amargi pahitpailit sepi duit tebih doku. Lantaran boten wonten malih bonus panitia, uang jaga, lan duit koreksi ujian negari; boten wonten malih duit-oli akreditasi! Nah, hahaha… mekaten nggih, Prof Krepa?

KREPA: Inggih! Sanajan credit point kathah, credit coin bolak-balik butuh.

DURYUDANA: Becik! Tutup Bayupitu! Bubarke! Nek perlu ajurke!

DURNA: Nah, hahaha… acc!

DURYUDANA: Kapten Karto, kontek Angkatan Perang Astina!

KARTAMARMA: Sendika dhawuh!

“Divisi Banjarjumut, Divisi Banyutunalang, Divisi Banakeling, Divisi Ujunglautan, Divisi Awangga, Divisi Mandraka, Divisi Mandura—sigra tumindak!”
“Leksanake!”

Rap sigrap sang Dursasana
Panglima wagyabala Astina!
Kurawa anggempur kampus
Mahasiswa agawe mampus

UNIVERSITAS BAYUPITU, AMARTA.—Rektor Prof Dr Bima Tanayatatwa nimbali Prof Bayu Kanetra pakar pithecoidology, Prof Bayu Maningrat pakar deusoidology, Prof Bayu Pulasia pakar gigantoidology, Prof Bayu Estibanda pakar monsteroidology, Prof Bayu Maruta pakar austroculture, Prof Bayu Baruna pakar oceanoculture, lan Prof Bayu Maenaka pakar neoculture.

BIMA: Para Profesor sing dakurmati! Apa para sedulur kabeh padha kuciwa marang tumindake bala Kurawa?

KANETRA: Temtu! Nanging dianggep dagelan kemawon. Toh saged beladiri.

PULASIA: Huahaha… bener! Gempuran menika boten wonten hartosipun kangge biomacrobot karyarekayasa kula.

ESTIBANDA: Ugi monsterobot samangke saged mbedahbubrah memala menika.

MANINGRAT: Dasar Kurawa! Wayang mbeling kados menika kumawani adol bagus. Nggaya! Khhkcuah!

MARUTA: Prelu diajar, Prof! Ben nyaho!

BARUNA: Bener! Anggite ngelmu kawruh namung wontening Universitas Negeri Sokalima, teknologi namung wontening Universitas Talkanda? Kemakikemlinthi! Gemagusmbagusi!

BIMA: Iyo! Tumindake militer Astina perlu dituntut. Siapke balayuda biomacrobot lan monsterobot kanggo ngajurmumur balamala Astina.

PULASIA: Sendika!

ESTIBANDA: OK!

“Divisi Gigantoid, Divisi Monsteroid, lan Divisi Pithecoid—sigra lumampah!”
“Lakonana!”

Para tamtama padha tumindak
Mawi kekiatan tembaktinumbak

Huru-hara
Gara-gara

TUMARITIS, DESA DADAPAN.—Panakawan padha dagelan.

“Helo, Frens—ahihi… ogut Bagong! Okap kokab? Sip! Rin, Nur—gimokan yudisium? Hebring-hebring so pasti! Ahihi… mane sih ba’ang Petruk? Sokin dong!”
“Hehe… mudik ngurban ya, Gong? Pake mrokem segala! Neko-neko! Biasane nyeluk kang, malah njangkar, saiki ba’ang.”
“Lho kok nepsong?”
“Ora gething! Nganggo basa Jawa sing becik lan bener. Nek arep nganggo basa Inggris ugi sing becik lan bener.”
“Prex! Sok ahli! Sok linguis! Emange ogut wong kursusan. Ngerti aku rak katam es-de arep diwulang. Cuih! Ben salah asal endah. Gawe keselsebel wae!”
“Hehehe… Gong, rak sah melolo, mengko copot lho matamu.”
“Ben!”
“Kowe ngerti, Gong? Sugih teknik kere kritik iku dhudhu seni sing apik. Seratan sugih gaya tanpa idea dhudhu sastra.”
(Duuut!)
“Phuah! Ngentut!”

Yu yus tu bi mai parti dol
Bat now yu sey de parti’s oper

“Gareng meneh sok ngerock, rak faseh wae ndadak ngoceh.”
“Huaha… Yeah! K’yu.”
“Wis—de bokaps kams!”

SEMAR: Mangga padha madosi Pak Bima. Dateng pundi tindakipun, Pak Jun?

ARJUNA: Boten ngertos, Pak Semar.

Panakawan lan Arjuna
Ngambah dalan acala

Raksasabala kagiri-giri
Malasatru sang paraguru

RIMBA PRINGGACALA.—Ing Madyaning wana Jendral Arjuna lan Panakawan padha ngadhepi begalan lan rampogan.

“L-liat, Lung! A-ada m-mangsa, ayo dibom, Gog!”
“Ko’e! Eh, sst! Awas kuwi gajah Pandawa.”
(Jleg!)—“Mandeg!”
“Hmh, kowe sapa?”
“Heh, m-masa k-kon g-gak k-kenal tokoh se-s-sebeken Cakil? A-aja bacut!—(Dor!)—“Aakkhh… m-mati a-ak-u, Gooog!”
“Hah, Cakil ko’it! Bodat! Lanang ayu wani satru. Brokis! Gua caw lu—hiiaatt!”—(Gusrak!) + (Jdak!)—“Aduh! Benjut aku… aduuhh.” + “Awas Bragalba!”—(Dor!)
“Nuuh, Mrangalma ngo’it! Nyangil ngonyor! Ngawat nih—mla’i, Ngoog!”—(Pletak!)—“Anuh! Ngo’it angu!”—(Buzrak!)
“Ahihi… Truk, tumpaskandas kae Buta GPK.”
“Hehehe… culun sih!”

Buta-buta ribut
Kabeh padha mawut

Ing madya wana Arjuna
Kapethuk Prof Durna

DURNA: Nah, hahaha… kabeneran ketemu, Jendral Juna.

ARJUNA: Lho! Prof Dur ajeng teng—?

DURNA: Gawat, Pak Jun! Kula nilar Sokalima amargi wonten kudeta ing Astina. Pres Dur digusur! Kurawa padha kabur!

ARJUNA: Sinten ingkang migawe?

DURNA: Ponggawa gawean—wadyabala biomacrobot lan monsterobot saking Divisi… ah, apa jenenge? Pokoke iku kabeh gaweane Universitas Bayupitu. Tulung, Jendral Juna—selametaken almamater.

ARJUNA: Inggih! Pak Semar—ayo menyang Astina.

SEMAR: Sumangga, Pak! Ayo, le!

“Oke!” + “Yo’e!” + “Asoy!”

Kebat Arjuna
Menyang Astina

Geger Bayupitu
Geser Balakuru

ASTINA.— Arjuna angadhap Prof Dr Bima Tanayatatwa.

ARJUNA: Nuwun sewu, Prof Bima—tumindak kados menika kuwanen sanget lan nunjangmalang kawicaksanan Pandawa. Demi wangsa Pandawa, kula nyuwun kaprajan Kurawa dipun pulihaken.

BIMA: Hmh, OK! Asal Regime Kurawa ora ngerongrong hak otonomi Universitas Bayupitu. Kejabi kuwi, kowe goleki disik Jendral Bratasena sing diculik lan dicemplungke neng tengah laut karo Marinir Astina.

ARJUNA: Hah? Dados, Jendral Bratasena diculik Kurawa! Aduh, pripun, Pak Semar?

SEMAR: Em-em-em, ahahaha… usah kuwatir, Jendral. Tan samar pamoring suksma anuksma, Prof Dr Bima Tanayatatwa punika Jendral Bratasena. Lan Prof Bayu Kanetra menika Prof emiritus Kapiwara saking Universitas Kendalisada, alias Jendral Purnawirawan Anoman.

BIMA: Bener kowe, Mar!

Lan jiwajembar Semar
Maweh obor profesor

Semarang, 8 Nopember 2007 Ki Harsono Siswocarito

Gitadarma Dr Mintaraga

2007-11-29T02:30:00.001-08:00

Kembang sungsang cahya kunang
Kadia lintang gilang gumilang
Tembang hyang pangreka dalang
Dadia piwulang wong ngawayang

MERCUKUNDA, SURALAYA.—Maharaja Tribuwana Sang Hyang Otipati Pramesti Guru Jagatgirinata ya Sang Hyang Manikmaya maharaja diraja jagat pramudita linggih ing singgasana Dampar Kencana lemek babut permadani sutra rerenda permata tinaretes ing sosoca dipunadhep dening para dewa pemuka triloka samiya padha jajar denira pinara.

GIRINATA: Kakang Panji Kanekaputra, punapa memala triloka dereng sirep? Malah musibah tambah bubrah. Batara padha susah, batari padha sedih; lara hapsara parah, sakit hapsari perih. Iki mesti dipandegani, Kang Narada.

NARADA: Eladalah, Adi Guru—gawat kaliwatliwat! Mega abrit sangitwingit. Candradimuka umob datan sidemkalem, para dewa ora tentrem, Tribuwana kaya kobaran lantaran balabuta utusan Jendral Niwatakawaca ditampik ngalamar Supraba. Wadyabalane boten purun kondur menyang negari Manimantaka yen boten saged mboyong sang dewi. Mekaten, Indra?

INDRA: Hinggih! Supraba nampik asih nolak tresna Niwatakawaca. Kawula piyambak boten purun gadah menantu danawa. Khhkcuh! Boten pantes Buta mertuwane Dewa? Durhaka!

GIRINATA: O jagat dewa batara! Dasar balabuta ora kenal tatakrama. Kurangajar! Nek ora bisa diajar, hajar! Lamun ora purun mundur, gempur! Yen malah meksa, siksa! Usir bala danawa saka Suralaya.

NARADA: Sendika, Gusti!—Bayu! Siapke tentara triloka. Basmi balabuta Niwatakawaca!

BAYU: Sayagi!

“Batara Brama, Batara Surya, Batara Wisnu, Batara Bayu, Batara Sambu, Batara Kamajaya, Batara Yamadipati, Batara Kuwera, Batara Karaba, Batara Bermana, Batara Bermani, Batara Aswan, Batara Aswin, Batara Citragada, Batara Citrasena, Batara Sambodana, Batara Rawiatmaja, Batara Bermanakanda, Hyang Dewatama, Hyang Dewanggana, Hyang Dewasana, Hyang Dewangkara, Hyang Pancadewa, Hyang Pancaweda, Hyang Patuk, Hyang Temboro,—siap gerak!”
“Hinggih! Hinggih! Hinggih!—”

Bala Tribuwana
Pada siapsiaga

Bala buta
Pada laga

GERBANG SELAMATANGKEP.—Balabuta sigra adulaga demi meksa para dewa masrahke Supraba. Tatalaga Jendral Krudaksa, Panglima Manimantaka, katon megadigdaya. Ing sisih kiwa ana Kolonel Duskerta; ing sisih tengen, Kapten Wirakta; lan ing wingking, Letnan Kalawaktra.

KRUDAKSA: Krrkzuh! Dewa-dewa! Nolak cinta Gusti Niwatakawaca artine jaluka memala. Nek Supraba ora diserahke, Kahyangan Solendrabawana bakal kiamat! Malah Suralaya bakal rusakporak, ajurmumur, sirna-binasa. Krrkzuh!

DUSKERTA: Bener! Aja dumeh dewa! Buta bisa duwe bini widadari. Kanggo ndandani katurunan! Sanadyan buta tengik, bini cantik; sanadyan Buta mambu, bini ayu; sanadyan Buta, bini Supraba. Asik ra! Hehehe….

WIRAKTA: Iya! Supraba emang moy. Dasar widadari—ayune tanpa tanding, endahe tanpa cela! Oh, Supradin, eh, Suprana, halah! Salah mulu—Supra apa?

KALAWAKTRA: Walakadalah, Gusti! Pirsani! Gapura dibuka! Para dewa ngangkat senjata!

KRUDAKSA: Keparat! Serbu!

“Serbu! Serbu! Serbu!—”

Serbu buta
Satru dewa

Garangtandang!
Tunjangmalang!

“Ayo maju, Dewa!” + “Wani karo Brama?” + “Brama? O, iki jago Deksinapati: Dewa geni kok kakubeku? Ayo maju! Heaah!”—(Clap!) Ngantembogem (Bugh!) sepakgalak (Blak!)—“Rasakena dewa—heaah!”—(Blar!) keplaktelak! “Tobaatt!”

Tatu datan kepetung!
Lara datan kebilang!

“Endi jago dewa?” + “Bayu: ayo maju!” + Adujotos (Jduk!) sepakgalak (Jdak!)—‘Hgkh! Hoekh ooo hfuh! Buta edan! Nglimpe! Aduh… ooo! Tobaat!”—(Bruk!) + “Cilaka, Surya!” + “Wisnu, mundur!”

Dewa tempur
Pada mundur

NARADA: Cilaka, Adi Guru! Balabuta gagahmegadigdaya mahasakti mandraguna! Para dewa datan daya upaya. Pripun iki?

GIRINATA: Tenang, Kang Panji! Indra, sigra sira tumindak madosi jago jawata. Lumampaha menyang Indrakila—temoni Prof Mintaraga.

INDRA: Sendika, Gusti!

Sigra Batara Indra
Menyang Indrakila

Pada madiacarita
Mangsa gara-gara

KARANG KADEMPEL.—Kampung ing pereng gunung pepayung layung. Swasanane kerasa begja! Kubah gunung Indrakila katon endahmewahmegah! Lamat-lamat kidung ngalayung teng duwur saung. Panakawan padha geguyonan.

Gandasari buah ati
Pujaan urang sadaya
Buku pinuh kupapaes
Alus jadi patamanan

“Hehe… Asmarandana Sunda! Enak ki. Ehm, nunggu bos nuju konsentrasi, kontemplasi, en meditasi—ngene rasane: aneh! Eh, wingi digoda widadari Suralaya, malah cuek bae! Widadari lentik ora dilirik! Malah kula sing manatahan. Hehe….”
“Ngono kuwi, Gong—prihatin: taparekacipta demi manggayuh karaharjaning praja mamayuayuning bawana.”
“Eh, Reng—ana apa?”
“Gawat! Celeng nang Lab!”
“Hah? Ayo ndelo!”

MINTARAGA: Kawula sing nembak!

PADYA: Kawula, penembake!

SEMAR: Mbok wis, Indra!

INDRA: Hahaha… nuwunsewu, Wa Semar—kawula nyamar lan nggoda Mintaraga demi Suralaya. Piyambake disuwun dados jago jawata kangge numpastampis balabuta Niwatakawaca. Piye, Prof?

MINTARAGA: Sayagi. Nanging kawula nyuwun dikancani Jeng Supraba.

INDRA: Sae.

Mintaraga sigra
Midamel darma

Garang tandang
Perang kembang

RIMBAMALA.—Mintaraga aduyuda sareng bala Manimantaka.

“M-mandeg! S-sapa s-sira?”
“Truk, sikat yu!”
“Siplah!”—(Duk! Bugh!) Ambruktakluk (Blug! Gludug!)—“Iki rasakna! Hih!”—(Jplak! Gdubrak!)—“Aaawww!”
“Bah! Keparat! Kaladurga, Kaladurjana, Kaladuraksa, Kala-durmala, Kalastuwila, Kaladaksa, Kaladarba, Kalagarba, Kala-duskerta, Kaladusta, Kaladursila—majuserbu!”
“Reng, embat granat!” + “Okelah!”—(Plas!)

(BLAARR!)

Balabuta
Fanalaga

Boten antawis dangu
Supraba njur ketemu

SUPRABA: Helo, Prof! Punapa sih aku kudu melu? Aku risih kambi Buta kae. Hiiyy… jijay!

MINTARAGA: Emansipasi! Iki sengketa cinta sing dadi konflik politik multipelik. Wanoja cantik, asal cerdik, bisa dadi aset politik. Coba dipikir! Nganggo dalih ditolak cinta, Niwatakawaca badhe ngelabrak Suralaya. Resistensi libido dadi agresi destrudo. Bahaya! Kuwi kudu ditembaktelak! Nah, ben denen mbuka rahasia, sira rayu—puji sampe risiati, goda sampe lena purwa daksina, lulu sampe mabuktakluk!

SUPRABA: OK.

Mintaraga lan Supraba
Menyang Manimantaka

Gita asmara buta
Ala Niwatakawaca

MANIMANTAKA.—Sigra wara kocapa mukamurka Jendral Niwatakawaca dadia mahasuka kala Supraba denira pinara.

NIWATAKAWACA: Hait, Supraba! Huahahaha… akhire sampeyan datang, oh… Supraba, widadari cantiklentiksimpatik, gadis manisromantis, dara eloksemokmontok, perawan rupawan-nanmenawan, wanoja jelitamahajuita, oh… Supraba, dilirik asik, dipandeng seneng, ditatap sedap, oh… Supraba, kawit awal kawula kataji kepati-pati, kawit biyen kawula tresnacinta, oh… Supraba, coba kawula kurang apa? Maharaja, kayaraya, oh… Supraba, kawula emang hmh! Ngerti ra kuwi apa? Huahahaha….

SUPRABA: So pasti, Oom! Wow! Manimantaka indahmewah mahamegah serba raksasa! Getun aku ora kawit biyen gelem karo si Oom. Huuh, papi sih, neko-neko! Maaf ya, Oom? Bener ki aku tresnacinta si Oom. Sandyan Buta, Oom raja, kaya, perkasa….

NIWATAKAWACA: Huahahaha… bener, oh… Supraba, sapa bae ora ana sing bisa nandingi kawula! Sing tangguhplusampuh, kawula sing hebatmahakuat, gagahmegadigdaya, oh… Supraba, lantaran pinter ngerahasiakna pengapesan—

SUPRABA: Pengapesan apa?

NIWATAKAWACA: Ilat!

Rahasia diungkap
Pasopati nancap

Niwatakawaca
Sirnaperlaya

Semarang, 4 Nopember 2007 Ki Harsono Siswocarito

Nurkala Kalimantra Gawe Geger Suralaya

2007-11-29T02:27:00.000-08:00

Lakonet gabungan saka tembung "lakon" lan "internet" gawean Ki Harsono Siswocarito. Lakonet mangrupi lakon-lakon wayang sing dipakeliraken ning kelirbeling utawi layarmaya internet. Lakonet disanggit ngangge kombinasi Sastra Pedhalangan mangrupi suluk (murwa, sendhon, gregetsaut, ada-ada) nyandra (janturan lan pocapan), antawacana (ginem), swara (omomatopia), lelagon (tembang), lan carita. Cariyos lakonet saka lakon-lakon wayang sing disanggit ngangge gagrak anyar. Lakonet lebet sawiji genre sastra elektronik saged ugi disebat wayang citra utawi wayang mediamaya. Salaku wayang gagrak anyar, lakonet saluyu sareng seni jaman informasi ning era globalisasi.

Conto

Ing andhap salah sawiji lakonet anggitan Ki Harsono Siswocarito.

NURKALA KALIMANTRA GAWE GEGER SURALAYA

Kelirbeling tabir Gusti
Tabire ya wong ngawayang
Wayang manut maring dalang
Dalange murba ing wayang
Kelire layarmaya Gusti

MERCUKUNDA, SURALAYA.—Sang Hyang Pramesti Guru Jagatnata, ya Sang Hyang Otipati Pangawasa Jagat Triloka, linggih ing kursi Gading Gilang Kencana, dipunadhep dening para dewa, para batara, para sang hyang, para widadara, para hapsara sadaya warga Swargaloka.

JAGATNATA: Kakang Panji Narada, Kang—kados menapa kahanan ing Kahyangan iki? Kawah Candradimuka mangaladalad, magma murubmubyar, lindu kalabendhu geterbanter, Gerbang Selamatangkep padha retak, Istana risakporak. Prahara apa iki, Kang Panji?

NARADA: Aduh, Adi Guru—ampun sewu ampun. Sedaya menika gargara balamala raksasa saking negari Tunggulwesi kang dipunpimpin dening Jendral Nurkala Kalimantra. Piyambakipun nyuwun tahta swarga. Mekaten, Gusti Pramesti.

JAGATNATA: O jagat dewa batara! Dasar denawa luwar saka tatakrama. Lha kok boten dicekal?

NARADA: Sampun, Adi Guru—Cingkarabala lan Balaupata saged mbendung balamala raksasa ngangge nutup Gerbang Selamatangkep. Saprene wadyabalane wonten ing padang Repatkepanasan. Kula nyadhong dhawuh, Adi Guru.

JAGATNATA: Aja diumbar olehe ngidak-idak Kahyangan. Kon minggat! Usir! Nek prelu basmi!

NARADA: Sendika, Gusti! Permiyos—Indra!

INDRA: Ngestoaken dhawuh!

NARADA: Atur sedaya kekiatan tempur Suralaya demi mbasmi balamala Nurkala Kalimantra.

INDRA: Sayagi!

“Para dewa sigra tumindak: Batara Brama, Batara Wisnu, Batara Surya, Batara Bayu, Batara Kamajaya, Batara Sambu, Batara Kuwera, Batara Yamadipati, Batara Aswan, Batara Aswin, Batara Bermana, Batara Bermani, Batara Bermana-kanda, Batara Citragada, Batara Citrasena, Batara Sambodana, Batara Rawiatmaja, Batara Karaba, Hyang Patuk, Hyang Tem-boro, Hyang Dewanggana, Hyang Dewasana, Hyang Dewang-kara, Hyang Sanggana, Hyang Pancadewa, Hyang Pancaweda, Hyang Dewatama,—”

“Hinggih! Hinggih! Hinggih! Hinggih!—”

Sigra para dewa basmi mala Triloka!
Wadyabala bita-buta mala padha laga

REPATKEPANASAN.—Jendral Nurkala Kalimantra ngenteni nganti gething kepatipati, benci kagirigiri.

KALIMANTRA: Grrrk-cuah-huahaha… e, e, bojleng-bojleng iblis najis padha bengis! Mana si Jagatnata? Mesti ndelik neng keleke widadari! Kikrik karo aku! Huahaha… apa patut dadi maharajadiraja para dewa? Medun wae saka tahtamu, Jagatnata! Serahke marang aku! Nek ora, Suralaya tak gawe kiamat!

KALAMURKA: Tobat, Gusti—uningani! Gerbang Selamatangkep kabuka. Para dewa nantang perang!

KALIMANTRA: Grrrk-cuah! Laknatkeparat! Serbu!

“Serbu! Serbu! Serbu! Serbuuu—”

Bala satru buta maju
Garang padha nyerang

“Kowe wani karo dewa?”
“Why not? Kowe jago, aku jago! Kowe lanang, aku lanang! Buktike: sapa luwih lanang, sapa luwih jagoan!”
“Khhk-cuah! Buta edan!”—(Clap!)—“Ciiaatt!”—(Jder!) Adujotos dados! (Bet!)—“Hih!”—(Dez! Dig! Bugh!)—“Hegkh!”—(Bruk!)
“Ayo ngadeg, Dewa!” + “D-du-uh… tob-ba-at….”
Dupak galak! (Brak!)—“Aakkhh!”

Tan kocapa dewa padha mati suri.

“Brama kalah! Bayu mundur!”
“Para dewa mundur! Mundur!”
“Mundur! Mundur! Mundur!—”

NARADA: Cilaka! Para dewa kalah digdaya. Wisnu!

WISNU: Yes, Sir!

NARADA: Maju!

WISNU: Siap!

“Nurkala Kalimantra! Adhepi aku Batara Wisnu!”
“Sopo? Wisnu? Ayo maju—endi jago dewa? Grrrk-cuah! Lho kok turu? O tiarap! Ngopo, Wisnu?”
“Aja takon memala! Rasakena rudal Cakra—mampus jiwamu!”—(Wuzz! Clap!)
(Krep!)—“Huahaha… rudal kaya ngene sih mana mempan!”—(Pluk! Ccss!)
“Edan! Mejen, Wisnu!”
“Aduuhh cilakaaa—”
“Mlayu!Mlayu! Mlayu!”

Dewa tawur ajurmumur
Padha kaburmabur.

NARADA: Aduh, Adi Guru—cilaka! Para dewa tanpa daya; para hyang tan menang. Kados pundi, Adi Guru?

JAGATNATA: Kakang Panji Narada sumangga sira sigra lumampah menyang mayapada demi madosi jago jawata—lelaki langit lelananging jagat!

NARADA: Sayagi, Adi Guru!

Kala tiba gara-gara
Pertanda madiacerita

KARANG KABOLOTAN.—Desa luwar kota. Dusun buhun. Dukuh kumuh. Nyempil! Neng madiyaning huma, sawijining tebing miring, ning lelengkung gunung, wonten gubug ijuk. Menika ta dalemipun Ki Semar Badranaya sakulawarga para panakawan Amarta. Tanpa polusi kota, gesang mardika mangayubagya. Dagelan padha gegojegan.

Lir ilir, lir ilir
Tandure wus sumilir

“Anu, Truk—rene! Gawake bedog kambi kayu.”
“Go opo?"
“Gawe geni! Ben anget: sore-sore—pedhut padha medun, ki. Eh, Bagong endi?”
“Embuh! Golek celeng, ya‘e? Hawa ngene ki: akeh kutu-jagung hama huma.”
“Lha, Romo—nyang endi?”
“Nunggoni Pak Jun!”
“Nang pucuk gunung?”
“Ho-oh, brrr… ademe!”
“Ki mbakar pohung!”
“Ah, bosen! Suasana kaya ngene: kangen bojo! Hehehe….”

Cinta dipuja
Rindu diburu

“Endah, bojoku!”
“Wualah!”

SEMAR: Pripun, Pak Jun?

ARJUNA: Parasut Tunggulnaga lan rudal Ardadedali leres dawah teng gunung mriki. Pirsani,
lha kuwi! Untung boten njeblug bareng pesawat tempur sing ngangkut Ardadedali sing
ketembak dawah mengsah.

SEMAR: O, o, o.

ARJUNA: Ayo menyang Indraprasta. Mugi-mugi kangmas Yudistira sampun nemu malih pusaka negara Kalimasada.

SEMAR: Monggo, Pak.—Le, ayo nyang kota!

“Nah!” + “Beres, Mo!”
“Buru, Gong. Kota!”

Turun gunung Arjuna
Rambah belantararaya

Cekal Cakil
Si Butajahil

MARGASOPANA.—Jendral Arjuna lan Panakawan ngadhepi begal dalanan.

“M-mandeg! S-stop! S-sapa nama? A-arep nyang endi? S-saka endi? Mangewu! Cepet!”
“Elho! Nodong?”
“Jotos, Gong!”
(Jduh!)—“Ghk!”
“Pragalba, Rambutgeni, Galiuk, Bita Terong—maju serbu!”
“Siap!” “Beres!” “Szip!” “O’eh!”—(Jlap! Jlap! Jlap!)—“Awas!”—(Klik!)—“Hiiaa!”—(Dreder-der...!)—“Mampus lu!”
“Hehehe… Buto bego!”

Buta-buta padha sirnaperlaya
Banjur Arjuna ketemu Narada

NARADA: Eladah… bergenzong anak wong bakal diboyong! Kabeneran, Jun—ketemu. Ugi Ki Semar, hahaha… pripun kabare?

SEMAR: Kabar kabur! Eh, Nar—dewa kok keluyuran? Apa neng kahyangan kurang gawean, ya?

NARADA: Waduh, Ki Semar—pirsani…. Kahyangan geger! Suralaya digempur balamala Nurkala Kalimantra. Para dewa padha kalah, padha pasrah! Widadari padha susah! Aku diutus milari jago jawata nang mayapada. Mekaten, Ki Semar.

SEMAR: O, o, o… sapa mau? Nurkala Kalimantra! Pantes! Dheweke kuwi masih tunggal turunan karo raksasaraja Kalimataya sing mbedahbubrah Suralaya nanging ditumpastampis kambi maharesi nuklir Prof Manumayasa. Saiki ora ana jago jawata kejabi Jendral Arjuna.

NARADA: Inggih, Ki Semar! Pripun, Jun?

ARJUNA: Sayagi!

Kebat Arjuna gempur malasatru
Laralapa. Mati! Tan dukahati!

REPATKEPANASAN.—Rudal Ardadedali nembak telak Nurkala Kalimantra. Njeblug nyapu pageblug!

“Kalimantra mati!”
“Hidup Arjuna!”

Kalimantra sirnaperlaya
Kalimasada jayawaluya

Semarang, 2 Nopember 2007 Ki Harsono Siswocarito

Rembagan
Teng niki kaula bade ngrebag babagan sastra pedhalangan sing dados konsep estetik Lakonet.

Murwa
Murwa utawi suluk bubuka teng inggil wau mangrupi gubahan saka sulu "Gumungan" ing Pedhalangan Sunda, nanging sampun dilauyuaken kaliyan lakonet sing ngangge "kelirbeling" utawi "layarmaya" kados: